Открытая группа
1175 участников
Модератор Andrew Blessed

←  Предыдущая тема Все темы Следующая тема →
пишет:

Акафисты архиепископа Никона (Петина). Все 12 акафистов - шедевров составленных великим пастырем стада Христо

 

 

 

Акафисты архиепископа Никона (Петина). Все 12 акафистов - шедевров составленных великим пастырем стада Христова!!!

 

 

 

АРХИЕПИСКОП НИКОН (АЛЕКСАНДР ПОРФИРЬЕВИЧ ПЕТИН; 1902–1956 ГГ.)

 

 

Акафисты архиепископа Никона (Петина).

 


часть 1
часть 2
Акафист Рождшемуся Господу Иисусу Христу 
Акафист Крещению Господню
Акафист Сретению Господню
Акафист Вознесшемуся от земли на небо Христу Богу
Акафист Преображению Господню
Акафист Введению во Храм Пресвятой Богородицы
Акафист всем святым
Акафист Господу Иисусу Христу, Искупителю грешных
Акафист Господу Иисусу покаянный 
Акафист преподобному Александру Куштскому
Акафист преподобному Никону Радонежскому и всея России чудотворцу 
Акафист святой равноапостольной Нине

 

Акафисты архиепископа Никона (Петина).часть первая.


Среди всех литургических памятников ХХ века особняком стоят акафисты, принадлежащие перу архиепископа Херсонского и Одесского Никона. В них со всей многогранностью нашли отображение огромная сила и необычайная свежесть дарований Владыки.

 

Многообразной и богатоодареной была натура Владыки Никона. Практический опыт, острый ум, трезвая оценка действительности, исключительная энергия и то внутреннее неспокойствие, которое свойственно людям большой ответственности, укрепили за ним репутацию церковного собирателя, строителя, рачительного хозяина. И вместе с тем наделен он был высокой эмоциональностью. Он как бы упивался богослужением, отдавал ему всю вдохновенную свою силу, душевный жар. Он в высокой степени владел даром слова и проповеди его, исполненные совершенной искренности и живых, неподдельных чувств, захватывали людей, были исключительно популярны в народе. Личное обаяние, столь свойственное ему, влекло за собою не только любовь пасомых, но и глубокое уважение людей, стоящих в стороне от церковной ограды.

 

Известный проповедник и прекрасный администратор, Владыка также обладал и поэтическим даром, который нашел свое воплощение в его гимнографическом творчестве. Перу архиепископа Никона принадлежат 12 акафистов: Рождеству Христову; Крещению Христову; Преображению; Вознесению; Сретению; Введению во Храм Пресвятой Богородицы; Покаянный; именуемый «Господу Иисусу Христу, Искупителю грешных»; Всем святым; Преподобному Никону Радонежскому; Преподобному Александру Куштскому и Святой равноапостольной Нине.

 

К огромому сожалению эти прекрасные акафисты при жизни Владыки не издавались. Сам Владыка, составляя их записывал их в особую тетрадку, по которой и читал их во время богослужения. Затем, некоторые из близких духовных чад, по благословению Владыки, для личного келейного употребления сняли с этой тетради рукописные копии. Спустя много лет, уже после блаженной кончины архипастыря, с одной из таких рукописей была сделана машинописная копия. О сохранности автографа акафистов или более ранних копий нет никаких сведений. Факт составления акафистов акафистов.К сожалению, в имеющейся машинописной копии отсутствует дата составления песнопений, из-за чего остается открытым вопрос о датировке. Лишь в 2006 году эти акафисты были изданы в Одессе.

 

Знакомство с текстом акафистов лучше начинать с Акафиста Крещению Господню.[i] Текст данного акафиста предваряется необычным замечанием: «Послушания ради открыся источник благодати в немощном моем духе и Богу принесеся чистое приношение сердца». История этого замечания примечательна т.к. раскрывает историю возникновения акафиста и ярко показывает суть отношения Владыки Никона к песнотворчеству. После всенощного бдения под праздник Богоявления Владыка объявил, что, по соборной традиции в сам день праздника за вечерним богослужением будет исполняться Акафист празднику. Когда он вошел в Св. Алтарь клирики собора сказали Владыке, что в ризнице нет и никогда не было акафиста Крещению Господню. Владыка промолчал. На следующий день он приехал к вечернему богослужению с рукописной тетрадью, по которой и отслужил Акафист Крещению – плод его ночного молитвенного и творческого подвига.[ii] Этим примечательным случаем и объясняется наличие своебразного текста, предваряюшег непосредственный богослужебный текст.

 

Сам Акафист Крещению Господню является характерным для всего гимнографического творчества архиепископа Никона. Он составлен по образцу классического Акафиста и, как обычно состоит из 25 строф – 13 кондаков и 12 икосов. Все кондаки, кроме 1, оканчиваются привычным припевом «Аллилуиа». Все икосы и 1 кондак оканчиваются припевом «Человеколюбче, слава Тебе», заимствованным из богослужения Навечерия Богоявления, где он является припевом к тропарю, исполняемому после паремий крещенской вечерни.[iii] И кондаки и икосы автор начинает произвольно, не следуя никакому заранее составленному акростиху и не используя обычные для русского акафиста «акростишные слова». Только 13 кондак начинается с обычного в этом месте междометия «О».

 

Но самой яркой, бросающейся в глаза особенностью, характерной не только для этого, но и для всех акафистов Владыки Никона является их краткость. Кондаки акафиста состоят из одного – двух предложений. Икосы, как и предполагает акафистный жанр, делятся на две части – повествовательную и прославительную, состоящую из 4 херетизмов, которые по своей краткости могут поспорить даже с весьма краткими херетизмами Акафиста Иисусу Сладчайшему. Очень часто они состоят из 2 – 3 слов (Иисусе Милосердный; Иисусе Благословенный; Иисусе, воды освятивый). Эти херетизмы соединяются в устойчивые пары, соединенные одинаковой длиной и схожим окончанием (Иисусе, душам просвещение – Иисусе, наше освящение; Иисусе, новую жизнь являющий – Иисусе, смиренного человека прославляющий). Характерно, что начало херетизмов, – обращение «Иисусе», - абсолютно непохоже на рефрен целого икоса – возглас «Человеколюбче, слава Тебе».

 

Акафист, как и все произведения современной русской гимнографии изобилует всевозможной цитацией как из Священного Писания, так и из ранних богослужебных текстов. 10 кондак «Да речет убо дом Господень «Яко благ, яко ввек милость Его»!, да рекут боящиися Господа: Аллилуиа» является прерифразом 117 псалма (ст. 3-3); в 6 икосе развивается мысль ап. Павла, высказанная в 1 Кор. 10,2; 8 кондак начинается прямой цитацией Никео-Цареградского Символа веры. Но больше всего Владыка использует богослужебные тексты праздника Богоявления.

 

В то же время Акафист не вызывает ощущения тяжеловесной компиляции. В его словах и образах ясно чувствуется динамика, он весь живет, дышит богослужебными образами, прославляет Богоявление. В акафисте нет сухого повествования о события празника, школьного пересказа Священной истории. Автор мыслит эту историю уже знакомой молящимся и богословствуя, прославляет Явившегося на Иордане. Именно прославление, славословие – главная цель Акафиста, и потому в херетизмах отсутствуют прошения и не разу не встречается слово «помилуй». Они представляют собой краткие прославительные возгласы, исторгаемые из переполненного священным восторгом сердца, молитвенно созерцающего Богоявление.

 

Акафист Рождеству Христову[iv] весьма напоминает Крещенский и в своих характерных чертах очень похож на него, хотя все же имеются весьма заметные отличия. Акафист Рождеству составлен Владыкой по особому акростиху. Начальные буквы его 25 строф складываются в краегранесие «Рождеству Христову духовно пою», что ставит его особняком во всей чреде русских акафистов, которые или следуют обычным «акростишным» словам, или, что весьма редко, не используют никакого акростиха.

 

Краткость этого акафиста можно проиллюстрировать 12 кондаком, который охватывает всего одну строчку: «Пение приносим Тебе Безначальному с горними и дольними: Аллилуиа». Такой же краткостью отличаются и херетизмы, связанные в логико-поэтические пары. Каждый икос содержит 2 пары таких припевов, которые оканчиваются общим рефреном «Иисусе Богомладенче, спаси нас».

 

Как и в акафисте Крещению, в этой литургической поэме присутствует много заимствований и прямой цитации. Высокопреосвященнейший автор стремится к богословскому осмыслению мест Священного Писания, где говорится о Боговоплощении, и поэтому 7 икос начинает с цитации евангельского отрывка, раскрывающего причину пришествия в мир Христа Спасителя – Божественной любви (Иоанн 3,16). Восьмой икос начинается с другого, весьма важного новозаветного текста – отрывка из 3 главы 1 послания к Тимофею («Велия Благочестия Тайна: Бог явися во плоти» (1 Тим. 3,16)). И в обоих случаях обращение к библейскому тексту становится поводом и отправной точкой молитвенного прославления. Использует автор и мысли Акафиста Иисусу Сладчайшему, цитируя его 8 кондак в своем 3 кондаке,[v] и мысли из стихир и канона Рождеству Христову.

 

Но в богословском своем звучании Акафист Рождеству не так безупречен, как Акафист Крещению. Непонимание и смущение может вызвать 4 херетизм 9 икоса: «Иисусе, пред Отцем Небесным защити», при чтении которого возникает невольное противопоставление Ипостасей Святой Троицы. Бог Отец в свете данного херетизма предстает грозным и немилосердным Обвинителем, стремящимся к наказанию, перед которым необходима защита милосердного и любящего Бога Сына. В такой перспективе домостроительство нашего спасения является не делом всей Святой Троицы, что может привести к мысли о различии воли и пожеланий у разных Лиц Триединого Бога. Поэтому этот херетизм нельзя признать догматически безупречным и в случае издания акафистов Владыки Никона его было бы целесообразно заменить на более богословски точное славословие.[vi]

 

Следующим акафистом, составленным Владыкой Никоном, является Акафист Вознесению Христову.[vii] По своей архитектонике и особенностям он напоминает все молитвенные произведения выдающегося одесского архипастыря, но имеет одну отличительную особенность – кондаки оканчиваются не обычным «Аллилуиа», но совершенно новым и достаточно смелым «Яко прославися». Этот молитвенный возглас взят из 1 библейской песни, воспетой израильтянами после чудесного перехода через Красное море (Исх. 15, 1 – 20; слав. «Славно бо прославися», русск. «высоко превознесся»). Рефреном икосов так же служит известный богослужебный текст – прокимен 3 гласа: «Пойте Богу нашему, пойте; пойте Цареви нашему, пойте» (Пс. 46,7), а все херетизмы начинаются с призыва «пойте Его…». Использование необычных рефренов позволяет избежать мертвящей шаблонности и вносит новую свежую струю, которая ощущается во всем молитвенном творчестве архиепископа Никона.

 

Но если Акафист Вознесению построен без определенного акростиха, то следующий Акафист Преображению[viii] составлен по точному краестрочию – начальные буквы всех строф, кроме последнего 13 кондака, складываются в своеобразное молитвенное посвящение – «Во славу Твою, Иисусе Христе». Но, в отличие от всех предшествующих акафистов, эта литургическая поэма содержит не обычные 25, а 24 строфы. В этом акафисте отсутствует 1 кондак, а на его месте стоит указание: «Вместо кондака 1-го петь тропарь: «Преобразился еси на горе Христе Боже»», а счет кондаков начинается со 2. Можно предположить, что эта замена кондака тропарем праздника вызвана именно богослужебным, а не келейным предназначением Акафиста. По традиции, во время вечернего богослужения акафист исполняется после отпустительного тропаря на вечерне, то есть, если он будет исполнятся на праздничной вечерне в сам день праздника, то перед ним по уставу должен петься тропарь Преображению. Таким образом, поставляя на место 1 кондака – древнего промия, кукулия, тропарь праздника, Высокопреосвященнейший Никон делает сам акафист, – службу, не предусмотренную Уставом, - частью богослужения, искусно вплетая его в узор уставных требований.

 

Точно такая же особенность присутствут и в акафисте Введению во Храм Пресвятой Богородицы[ix] и в акафисте Сретенью Господню,[x] но в них отсутствует не только 1 кондак – кукулий, но и 13 кондак – заключение, вместо которого исполнялся кондак Праздника. Однако, в отличие от первых двух акафистов, в акафисте Преображению Владыка Никон отступает от свего обычного правила в сохранении счета херетизмов и ставит во 2 икос всего 3, а в 3 целых 7 херетизмов. В связи с этим они уже, конечно не могут образовывать рифмованные пары, но, несмотря на это автор стремится придать их окончаниям похожее звучание. Но отход от строгой регламентации количества херетизмов в икосах объединяет эту группу акафистов, посвященных двунадесятым праздникам, с другой, воспевающих святых. Так, составляя акафист св. равноапостольной Нине,[xi] Владыка не только отказывается соблюдать определенное число херетизмов, но и отходит от своего обычного правила и не пытается рифмовать окончания или соблюдать хотя бы примерно одинаковую длину херетизмов. Это можно объяснить разным функциональным предназначением этих молитвенных произведений. Акафисты двунадесятым праздникам составлялись для исполнения в храме во время общественного богослужения. Именно этим объясняется краткость, одинаковость длины и окончаний херетизмов, которые, по всей видимости предназначались для пения. Акафист св. Нине в свете его особенностей, больше похож на произведение, предназначенное для келейного чтения, и с этим связана неодинаковая длина и отсутствие рифмы в окончаниях херетизмов.

 

Однако, акафист равноапостольной Нине, без сомнения может быть исполнен и в храме, во время общественного богослужения. На это указывает множественное число местоимений и глаголов, которое автор постоянно употребляет, что является признаком того, что акафист составлен как от лица собора, и следовательно, может употребляться как соборная молитва во время богослужения. В таком случае возможно использование второй русской традиции исполнения Акафиста, когда кондаки и икосы вместе с херетизмами читает определенное лицо (предстоятель) или они распределяются между собором священнослужителей, а припевы поет хор. Таким образом неравенство херетизмов и отсутствие их определенного числа сглаживается и становится не так заметно, как при исполнении херетизмов нараспев хором или всем народом.

 


[i] Акафист Крещению Господню. Б/м., б/г., машинопись. Все ссылки на текст Акафиста приводятся по этому изданию.

[ii] История приводится по устным воспоминаниям М.М. Языковой.

[iii] Месяца января в 6 день. Святое Богоявление. Крещение Господа Бога и Спаса на шего Иисуса Христа. По 3 паремии, тропарь, глас 5. // Минея январь. Ч.I. Изд. Московской Патриархии, М., 1983. С. 218.

[iv] Акафист Рождеству Христову. Б/г., б/м., машинопись. Все ссылки на текст акафиста приводятся по этому изданию.

[v] Ср.«Устранимся суетнаго мира и ум на божественная возложим» (Акафист Иисусу Сладчайшему. // Канонник. К., 2000. С. 68.) – «устранимся мира суетого и умом своим Вертеп и Ясли обымем» (Акафист Рождеству Христову)

[vi] Например, 1 херетизмом 9 икоса можно поставить моление «Иисусе, пение мое приими» и, сместив оставшиеся 3 херетизма, таким образом исключить соблазнительно звучащий 4.

[vii] Акафист Вознесению Господню. Б/г., б/м., машинопись. Все ссылки на текст акафиста приводятся по этому изданию.

[viii] Акафист Преображению Господню. Б/м., б/г, машинопись. Все ссылки на текст Акафиста даются по этому изданию.

[ix] Акафист Введению во Храм Пресвятой Богородицы. Б/м., б/г., машинопись. Все ссылки на текст акафиста даются по этому изданию.

[x] Акафист Сретению Господню. Б/г., б/м., машинопись. Все ссылки на текст акафиста даются по этому изданию.

[xi] Акафист святой равноапостольной Нине. Б/г., б/м., машинопись. Все ссылки на текст Акафиста даются по этому изданию.

 

 

Акафисты архиепископа Никона (Петина). часть вторая

 


От этих двух группы акафистов, посвященных двунадесятым праздникам, очень сильно отличаются два акафиста, которые составлялись Владыкой только для келейного чтения – Акафист Господу Иисусу с припевом «Господи, помилуй мя падшего»[1] (покаянный) и Акафист Господу Иисусу Христу «Искупителю грешных».[2]

 

Отличие заключается, прежде всего, в покаянном характере этих акафистов. Если в Акафистах праздникам и святым прославление занимает центральное место и является смысловым и эмоциональным стержнем текста, то в этих двух акафистах центр тяжести перенесен на покаяние как основу внутренней жизни человека. Этим объясняется и особенности построения этих молитвенных произведений и то, какие богослужебные тексты были положены в их основу. Если праздничные акафисты построены на литургических текстах праздника, то эти акафисты, соответственно, во многом перекликаются с Великим Покаянным Каноном прп. Андрея Критского и покаянным каноном, печатаемым в каноннике и молитвослове. Но все же главный тематический стержень этих акафистов составляет текст Священного Писания. Именно следуя Евангельскому тексту и раскрывая аскетико-нравственное звучание слов Христа Спасителя строит владыка Акафист Искупителю грешных, в котором 1кондак, 2 кондак и икос, 3 икос, 4, 5,6 и7 кондаки и икосы и 10 икос в своей основе имеют Евангельское событие или слова Спасителя; 9 икос основывается на словах апостола Павла (2Кор. 7, 10), а 10 кондак, 11 и 12 кондаки и икосы свое основание имеют в Ветхом Завете. Таким образом в Акафисте Искупителю грешных можно увидеть прекрасный образец литургико-поэтического опыта осмысления Священного Писания. Напротив, покаянный Акафист, хоть и использует Священное Писание, в своей основе покоится на литургической традиции. Автор очень часто цитирует слава и выражения Постной Триоди. Так, во 2 кондаке, 6 и 12 икосах он приводит целые фразы стихир «Покаяния отверзи ми двери, Живодавче»,[3] в 9 кондаке цитируется 1 тропарь 3 песни канона ко Святому Причащению,[4] а в 11 кондаке перефразирует самую известную покаянную молитву – прп. Ефрема Сирина.[5] Еще одной интересной особенностью данного акафиста является его акростих. Первые буквы всех строф Акафиста, в отличие от классических образцов этого жанра, складываются в русский алфавит, исключая те буквы, с которых не могут начинаться слова. Такое построение акафиста роднит его с древним принципом, по которому слагались греческие «неседальные песни», утраченному при славянском переводе и потерянном славяно-русскими составителями акафистов. Но, не зафиксированный в практике написания акафистов, этот принцип не был потерян на Руси. По славянскому алфавиту строились так называемые «Азбучные молитвы», имевшие скорее педагогически – учебное, чем литургико - богослужебное значение.[6] В конце XIX – начале ХХ века этот же принцип положил в основу своего произведения «Акафист покаяния или песни, приводящия человека к сознанию своей греховности» Киево-Печерский монах Геронтий.[7] Таким образом, кажущееся нововведение Владыки имеет под собой историческую основу.

 

То же можно сказать и о всем гимнографическом творчестве Владыки Никона в целом. Несмотря на весь кажущийся модернизм и новаторство, он, несомненно, остается в рамках Традиции. Его акафисты, на первый взгляд весьма необычные, являются на самом деле серьезным богословско-поэтическим анализом православного гимнографического опыта. Но, оставаясь в Традиции, Владыка не пребывает в плену мертвого шаблонного копирования или плагиата. Его цитация Священного Писания и ранних литургических текстов является ни чем иным, как их твореским переосмыслением и отправной точкой для излияния собственных, сугубо – личных, но в то же время и сугубо – церковных, пламенных молитв, которые вдыхают новую жизнь в давно известные рамки классического литурико – гимнографического жанра. Акафистам, составленным Владыкой Никоном, присущи живость образов, яркость и реализм восприятия духовного мира и пламенный динамизм. Эти вдохновенные молитвы становятся выражением его духа, беззаветно преданного Святой Церкви и отдающего все свои силы служению Ей в очень трудный и неоднозначный период истории – время «бескровного исповедничества».

 

[1] Акафист Господу Иисусу с припевом: «Господи, помилуй мя падшего». Б/г., б/м., машинопись. Все ссылки на текст Акафиста приводятся по этому изданию.

[2] Акафист Господу Иисусу Христу «Искупителю грешных». Б/г., б/м., машинопись. Все ссылки на текст акафиста даются по этому изданию.

[3] В неделю мытаря и фарисея, на утрени по 50-м псалме, стихира, глас 8.// Триодь Постная. Изд. Московской Патриархии, М., 1992. С.3

[4] Последование ко Святому Причащению. // Канонник. С.485.

[5] См. Служебник. Изд. Сретенского монастыря, 1997. С.257.

[6] Древнеславянские азбучные молитвы. // ЖМП, 1986, № 1. С. 70.

 

 

Акафист Рождшемуся Господу Иисусу Христу

 

АКАФИСТ РОЖДЕСТВУ ХРИСТОВУ

 

«Иисусе Богомладенче, приими жертву сердца моего!»

Кондак 1

Рождейся от Девы, пение небесное приявый, приими из сокровищ духовных мною возносимое Тебе песнопение: Иисусе Богомладенче, спаси нас!

Икос 1

От ангелов благовестие приемше, во град Вифлеем духовно вшедше и Младенца в яслех узревше, радостно воспоим Ему: Иисусе, ангелов ликование, Иисусе, сердца моего взыграние. Иисусе, всего мира ожидание. Иисусе, небесное сияние. Иисусе Богомладенче, спаси нас!

Кондак 2

Живущим верою путь пастырие указуют, тем же с ними и мы ликовствуя, поем Рождшемуся: Аллилуиа!

Икос 2

Дети Божии радостно младенцу, лежащему и яслех, поют: Иисусе, нас ради родивыйся. Иисусе, на земли явивыйся. Иисусе со Отцем не разлучивыйся. Иисусе, пеленами повивыйся. Иисусе Богомладенче, спаси нас!

Кондак 3

Еже видети радость вселенныя, устранимся мира суетного и умом своим Вертеп и Ясли обымем, непрестанно взывая Богу: Аллилуиа!

Икос 3

«Слава в вышних Богу» Ангели поют на небеси, и мы с ними вопием: Иисусе, славо Ангелов. Иисусе, похвало пастырей. Иисусе, Сокровище мое. Иисусе, бессмертие мое. Иисусе Богомладенче, спаси нас!

Кондак 4

Трепетно вся тварь ныне радуется, небеса веселятся, купно с ними и я воспою спасаемый: Аллилуиа!

Икос 4

Волсви, звезду узревше, во Вифлеем потекоша и обретше Сокровище Нетленное, возопиша с верою: Иисусе, мудросте вечная. Иисусе, истино совершенная. Иисусе, Бога откровение. Иисусе, радости явление. Иисусе Богомладенче, спаси нас!

Кондак 5

Облако легкое, росу благодатного явления нам дарующую, зрим Невесту Неневестную, Сына Младенца охраняющую, Ему же вси поем: Аллилуиа.

Икос 5

Храмина — убежище бессловесных явилась палатою Царя всех, да и мы не убоимся, ниже смутимся убожества души своея, но со дерзновением приступим вопиюще: Иисусе, вниди в дом убогия души моея. Иисусе, возлежи в яслех сердца моего. Иисусе, соделай достойным быть храмом Твоим. Иисусе, покрый мя милосердием Своим. Иисусе Богомладенче, спаси нас!

Кондак 6

Разгнавый тьму неведения, озари ум светом истинного Богопознания, да ликуя, воспою: Аллилуиа!

Икос 6

«И на земли мир», — возгласиша Ангели. Познав сие радостно, поем Примирителю: Иисусе, совести успокоение. Иисусе, ума просвещение. Иисусе, от уз греховных разрешение. Иисусе, с Богом примирение. Иисусе Богомладенче, спаси нас!

Кондак 7

Слезы блаженнаго умиления точаще, огласим пещеру Вифлеема сугубым пением: Аллилуиа!

Икос 7

Тако возлюби Бог мир, радостно сию любовь восхвалим, вопиюще: Иисусе, любовь предвечная. Иисусе, милосте бесконечная. Иисусе, сладосте сердечная. Иисусе, радосте небесная. Иисусе Богомладенче, спаси нас!

Кондак 8

От древа жизни отшедшее, в глубину зол падшее, ныне создание Божие Спасителем восставляется, Емуже поем: Аллилуиа!

Икос 8

Велия благочестия тайна: Бог явися во плоти. Ему же взываем: Иисусе, Троицы Откровение. Иисусе, небесной любви проявление. Иисусе, нераздельное с человеком соединение. Иисусе, вечное о нас промышление. Иисусе Богомладенче, спаси нас!

Кондак 9

Обуреваемый житейским попечением, с кораблем, потопляемым грехи, к тихому моему пристанищу притеку — Вифлеему в сии дни и радостно воспою: Аллилуиа!

Икос 9

Дары рождшемуся Иисусу приносят вси, — и аз, недоумением и радостию объятый, в скудости ума своего, принесу песнь сию: Иисусе, сердце мое обнови. Иисусе, душу мою спаси. Иисусе, для вечности сохрани. Иисусе, пение приими. Иисусе Богомладенче, спаси нас!

Кондак 10

Ум мой наставь и сердце очисти, да со ангелы чисто воспою: Тебе: Аллилуиа!

Икос 10

Христос мой Спаситель, сего ради ликует состав мой о рождении Его: Иисусе, радосте моя. Иисусе, крепосте моя. Иисусе, спасение мое. Иисусе — достояние мое. Иисусе Богомладенче, спаси нас!

Кондак 11

О Тебе радуется душа моя, о Тебе веселится язык мой и жизнь моя пребывает в святом уповании, когда пою Тебе песнь: Аллилуиа!

Икос 11

Множество щедрот Твоих и любви к роду человеческому, сего ради вопием: Иисусе, вечное Милосердие. Иисусе, благодатное озарение. Иисусе, земли посетителю. Иисусе, тайны спасения Совершителю. Иисусе Богомладенче, спаси нас!

Кондак 12

Пение приносим Тебе Безначальному с горними и дольними: Аллилуиа!

Икос 12

Одеяйся светом, яко ризою, пеленами ныне повивается, да нас одеждами светлыми украсит воспевающих: Иисусе, чертог светлый нам уготовляющий. Иисусе, одеждами брачными украшающий. Иисусе, нетлением венчающий. Иисусе, красотою духовною нас облекающий. Иисусе Богомладенче, спаси нас!

Кондак 13

Юнеет и обновляется всяка душа христианская в светлом празднике Твоего рождения. Духом Святым оживляется, Троическим единством просвещается, непрестанно поет песнь: Аллилуиа, Аллилуиа, Аллилуиа!

 

 

АКАФИСТ КРЕЩЕНИЮ ГОСПОДНЮ

Послушания ради открыся источник благодати в немощном моем духе и Богу принесеся чистое приношение сердца.

Кондак 1

Избавителя нашего, во Иордане крещающегося, зряще, ужасашеся вся тварь. Глас же с небесе принесеся от Отца: «Сей есть Сын Мой Возлюбленный, о Немже благоволих». Сего ради радуяся вопием: Человеколюбче, слава Тебе!

Икос 1

Иорданския струи Источника жизни трепетно прияша. Трепеща душею, вси вопием: Иисусе, Единый и Верный. Иисусе Нетленный. Иисусе Милосердный. Иисусе, Светильниче Вселенной. Человеколюбче, слава Тебе!

Кондак 2

Спасти хотя заблудшаго человека, в рабий зрак облеклся еси, Христе Боже, Тебе бо крещщуся плотию, Избавителю нашему поем: Аллилуиа!

Икос 2

Видя Предтеча, креститися пришедша Иисуса, радуется душею и трепеща, глаголет: Иисусе Безгрешный. Иисусе Предвечный. Иисусе Превознесенный. Иисусе благословенный. Человеколюбче, слава Тебе!

Кондак 3

Ко гласу вопиющего в пустыни притецем, приготовим путь Господу и радостно воспоем: Аллилуиа!

Икос 3

По земли ходит певаемый от Серафим, Сей Бог наш! Вемы Его Бога Предвечнаго, сего ради зовем: Иисусе Непостижимый. Иисусе, Свете Незаходимый. Иисусе Неизреченный. Иисусе Благословенный. Человеколюбче, слава Тебе!

Кондак 4

Утру явльшуся человеком светоносну, Солнце Правды к водам Иорданским приходит, мрак грехов разгоняя от вопиющих: Аллилуиа!

Икос 4

Неплодная древле, днесь веселится Христова Церковь: водою бо и Духом чада Богу родишася, верою взывающе: Иисусе Пресветлый. Иисусе Пречудне. Иисусе Преславне. Иисусе Прекрасне. Человеколюбче, слава Тебе!

Кондак 5

Истлевшаго человека обновляет Христос струями Иорданскими, иже поет ныне песнь: Аллилуиа!

Икос 5

Сошедшимся без числа людем от Иоанна креститися, Сам Господь посреде ста. Ему возгласим: Иисусе, миру предстояй. Иисусе, рукою вся содержай. Иисусе, скверну нашу очищай. Иисусе, помышление омраченное отгоняй. Человеколюбче, слава Тебе!

Кондак 6

Якоже на небеси, с трепетом пред чудом предстоим: Троицу зря Единосущную, Ей же вси поем: Аллилуиа!

Икос 7

Облак древле и море божественное проображаху крещение, в них же древнии крестишася, исходяще людие, море бе образ воды и облак — Духа, мы же созерцающе, зовем: Иисусе, воды освятивый. Иисусе, Таинство установивый. Иисусе, Духом укрепивый. Иисусе, люди Отцу Небесному усыновивый. Человеколюбче, слава Тебе!

Кондак 7

Убелим земное естество от падения, на небо возводими с пением: Аллилуиа!

Икос 7

Первее всепагубный потоп в тление привел, ныне же потопше, Христе, грех ради человеческаго спасения: Ему Премудрому Человеколюбцу зовем: Иисусе, Человеком спасение. Иисусе, пути Божия уяснение. Иисусе, нечестия погубление. Иисусе, великое Милосердие. Человеколюбче, слава Тебе!

Кондак 8

Свет от Света возсия мирови Христос Спас наш, Бог явлейся, Сему воспоем: Аллилуиа!

Икос 8

Како Тя, Христе, достойно почтим, яко в водах всех нас обновил еси, Великое Таинство Твоего явления, обаче приими недостойное пение: Иисусе, душам очищение. Иисусе, наше освящение. Иисусе, всего мира просвещение. Иисусе, человеков спасение. Человеколюбче, слава Тебе!

Кондак 9

Одеяйся Светом, яко ризою, иорданскими струями одеялся еси Спасе, да спасеши вопиющих: Аллилуиа!

Икос 9

Явися Свет Неприступный сущим во тьме и сени смертней седящим, сего ради радостно глаголем: Иисусе, Свете истинный. Иисусе, Свете невечерний. Иисусе, Свете присносущный. Иисусе, Свете превысший всех светлостей. Человеколюбче, слава Тебе!

Кондак 10

Да речет убо дом Господень: «Яко благ, яко в век милость Его!», да рекут боящиеся Господа: Аллилуиа!

Икос 10

Приклони, Христе, ухо ко мне, да во дни моя призову: Иисусе слава моя. Иисусе правда моя. Иисусе жизнь моя. Иисусе крепосте моя. Человеколюбче, слава Тебе!

Кондак 11

Раздельшуся Иордану древле по суху преходят людие. Стезю ныне в водах написует Господь нетленную и полезную, еюже проходим земное поприще поя: Аллилуиа!

Икос 11

Приидите ныне, крещением просвещеннии, приступите к Богу с верою глаголя: Иисусе, очистивый мя в купели крещения. Иисусе, избавивый мя осуждения. Иисусе, пославый ми освящение. Иисусе, даровавый благословение. Человеколюбче, слава Тебе!

Кондак 12

Когда явлением Твоим просветил всяческая, тогда море от Тебе побеже, Иордан доле текий возвратися, к небеси возводя поющих: Аллилуиа!

Икос 12

От Девы Солнце, от Неплодной Светильник, во Иордане Троическое явление увидевше, возвестим всему миру хвалу Божию глаголюще: Иисусе, новую жизнь являющий. Иисусе, смиренного человека прославляющий. Иисусе, любовь и милость открывающий. Иисусе, спасение наше устрояющий. Человеколюбче, слава Тебе!

Кондак 13

О, благословенный всеми родами и племенами земными, небесными силами воспеваемый, вся содержащий, преклонивый небеса, облекшийся плотию и вся совершивый для спасения человеков — славим, хвалим, поем и благодарим Тебе, нашего Искупителя и Спасителя и непрестанно глаголем: Аллилуиа, Аллилуиа, Аллилуиа!

 

 

АКАФИСТ СРЕТЕНИЮ ГОСПОДНЮ

 

Икос 1

Да отверзется дверь небесная днесь, Безначальное бо Слово Отчее, яко младенец четыредесятодневен, Материею вольне приносится в церковь, сего ради зовем: Иисусе безначальне. Иисусе, Отцу единославне. Иисусе, единоначальне. Иисусе несозданне. Иисусе, гряди в сретение души моея!

Кондак 2

Украси твой чертог, Сионе, хвали Марию — небесную дверь. Та бо престол херувимский явися, носяще на руках Божия Сына, Его же благовествуя, поем: Аллилуиа!

Икос 2

Воссиявшего прежде век от Отца, принесе в церковь Неискусобрачная Мати, радостно вопия: Иисусе, радости моей исполнение. Иисусе, сердца моего веселие. Иисусе, людем спасение. Иисусе, ангелов поклонение. Иисусе, гряди в сретение души моея!

Кондак 3

Два птенца голубина, яко Начальника Ветхаго и Новаго завета от Иосифа приемлет дары боголепно Церковь законная. Зряще Божие снисхождение, поем: Аллилуиа!

Икос 3

Приими Симеоне, Всечистая вопияше, во объятия Господа славы, яко Младенца, и Сему радостно возопий: Иисусе, нас ради воплотивыйся. Иисусе, яко тихий Свет невечерний открывыйся. Иисусе, Истиною мирови явивыйся. Иисусе, пророками провозвестивыйся. Иисусе, гряди в сретение души моея!

Кондак 4

Богомладенца Иисуса видев, Симеон вопияше: страшуся и боюся руками объяти Тя, Владыко, но мира Твоего ищай, вопию со трепетом: Аллиуиа!

Икос 4

Лик ангельский да удивится чудеси, зря неизреченное Божие снисхождение. Егоже бо трепещут силы небесные, ныне объемлют руце Симеоновы, Емуже вопиет: Иисусе, отпусти ныне раба Твоего. Иисусе, чаяние народа моего. Иисусе, мирови просиявый. Иисусе, мир в душу пославый. Иисусе, гряди в сретение души моея!

Кондак 5

Глаголи, Симеоне, чесо в церкви Божией стоиши, со трепетом духом радуешися? Боговидец сподобился еси ныне быти. Зиждителя и Господа своего приемлеши, Сему радостно возопий: Аллилуиа!

Икос 5

Во пророцех виден был еси Иисусе, яко же можно Тебе видети. Ныне плотию всему миру явился еси волею, сего ради вопием: Иисусе, како Себе Самому, яко Отроча свято приносишися? Иисусе, како плотию младенствуеши? Иисусе, како во храм вносишися? Иисусе, како всю тварь содержиши и руками Симеоновыми объемлешися? Иисусе, гряди в сретение души моея!

Кондак 6

Со Отцем на престоле Присносущий, пришел на землю от Девы родився, Симеоном во объятия приемлешися, веселиши раба Твоего, поющего: Аллилуиа!

Икос 6

Видеша очи мои спасение Твое, от века таинство сокровенное, отпусти раба Твоего к нестареемей жизни, поющего Ти: Иисусе, Его же трепещут херувими. Иисусе, Его же благословляют серафими. Иисусе, Его же славят ангели. Иисусе, Ему же кланяются архангели. Иисусе, гряди в сретение души моея!

Кондак 7

Крепитеся, руце Симеони, Христа в церкви, яко Младенца держаще. Ему же вернии возопийте: Аллилуиа!

Икос 7

Веселитеся, небеса, радуйся земля, исполнися хваления, Симеоне, зовый Ему: Иисусе, жизни источниче. Иисусе, человече видиме и Боже совершенне. Иисусе, всю тварь премудростию сотворивый. Иисусе, свет от тьмы разделивый. Иисусе, гряди в сретение души моея!

Кондак 8

Сиону камень возложился еси, Господи, непокоривым претыкание, верных нерушимое спасение. Его же восприявше поем: Аллилуиа!

Икос 8

Богородице Дево, Твое сердце оружие пройдет, Симеон Пречистой возгласи, на кресте бо узриши Сына Твоего. Ему воспоим: Иисусе, землю на водах утвердивый. Иисусе, море песком оградивый. Иисусе, жертву о нас сотворивый. Иисусе мое естество освятивый. Иисусе, гряди в сретение души моея!

Кондак 9

Свет во откровение языков явился еси, Господи, начало изъявления новыя благодати. Тебе вси поем: Аллилуиа!

Икос 9

Анна пророчица, дщи Фануилова, прииди и стани с нами, благодари Христа Господа: Иисусе, Агнче присно закалаемый. Иисусе, всем благочестивым, яко Хлеб Жизни подаваемый. Иисусе, николиже иждиваемый. Иисусе, Сыном Человеческим нарицаемый. Иисусе, гряди в сретение души моея!

Кондак 10

Приидем вси Божественными песньми Христа прославим, приимем, яко же Симеон приял Его и радостно воспоим: Аллилуиа!

Икос 10

Людие православнии, славу Эммануила зряще, ныне ликуйте: Иисусе, верою Тя поющих приими. Иисусе, в храме стоящих спаси. Иисусе, хвалу нашу приими. Иисусе, сердце к любви обрати. Иисусе, гряди в сретение души моея!

Кондак 11

Сам Господь во гласе трубнем снидет с небесе и мертвии о Христе воскреснут первее, потом же мы, оставшиеся, вместе с ними восхищени будем на облацех в сретение Господне на воздусе, поя Ему: Аллилуиа!

Икос 11

Приидет Сын Челоевческий во славе Своей, сего ради во второе сретение паче снега просветимся, свещи Истинному Свету с мудрыми девами принесем: Иисусе милостиве. Иисусе правосудне. Иисусе, в царство Свое нас призвавый. Иисусе причастниками сего соделай. Иисусе, гряди в сретение души моея!

Кондак 12

Сам сый Законодавец закон совершает, пришед бо не разорити закон, но исполнити, да суда ради боящеся сохраним закон, да будем споспешницы Богу, любяще Его всем сердцем своим, да услышим во второе сретение Его: приидите благословеннии Отца Моего, примите уготованное царство от сложения мира. Того приемницы будем, славяще песнею: Аллилуиа!

Икос 12

Светло сретение Господне духом играюще провождаем. Свет от Света изыде, выше горлицы на небо возлетим, на облацех противу Божию сретению изыдем, со ангелы ликуем, с Девою Богородицею возрадуемся, с Иосифом принесем, с Симеоном на руку Христа приимем, со Анною пророчицей исповедуем: Иисусе, смерть поправый. Иисусе, клятву разоривый. Иисусе, тварь всю украсивый. Иисусе, мир обновивый. Иисусе, гряди в сретение души моея!

 

P.S


А отчего нет 1-го кондака?

Автор мыслит этот акафист как часть общественного богослужения и при его исполнении место промия занимает тропарь праздника, а место 13 кондака - кондак праздника.

Спасибо. Очень интересно. Встречаю в первый раз.

 

 

 

 

АКАФИСТ ВОЗНЕСШЕМУСЯ ОТ ЗЕМЛИ НА НЕБО ХРИСТУ БОГУ

 


Кондак 1


Восшедый на небеса и нас не разлучивыйся, по множеству Твоих щедрот услыши нас, вопиющих радостно: Пойте Богу нашему, пойте, пойте Цареви нашему, пойте!

Икос 1


Ангели ужасошася, егда пришел еси на гору Елеонскую, Господи, ученицы же предсташа Ти и трепетно возгласиша: Пойте людие, Сына ко Отцу восходящего. Пойте Его, человечество в небо возводящего. Пойте Его, радость мирови принесшего. Пойте Пастыря, заблудшее овча нашедшего. Пойте Богу нашему, пойте, пойте Цареви нашему, пойте!


Кондак 2


Видя, яко земля ныне ликует и небесная веселия исполняются о Вознесении Господа, победную песнь Ему поим: Яко прославися!


Икос 2


Разумом дивимся, смотряще Тя, Христе, носяща бо тело земное и восшедша на облак к небесным восходяща и вопием: Пойте, Христа, крест претерпевшаго, Пойте Его, из мертвых воскресшаго. Пойте Его, наше естество вознесшего, Пойте Его, в дар Отцу нас принесшего. Пойте Богу нашему, пойте, пойте Цареви нашему, пойте!


Кондак 3


Силою Божественною возродивый Апостолы, воззвал их на гору Масличную и тии, узрев со славою Твое Вознесение, веселием возопиша: Яко прославися!


Икос 3


Священное торжество приносит вся тварь Вознесению Твоему, Иисусе Спасе наш, и светло вопиет: Пойте, на облацех, яко на херувимех седящего. Пойте Его, яко солнце, славою светящего. Пойте Его, смерть умертвившего. Пойте Его, нас освятившего. Пойте Богу нашему, пойте, пойте Цареви нашему, пойте!


Кондак 4


Мир учеником Твоим даровавый, той и нам богато ниспосли, Иисусе, яко да согласно поем песнь: Яко прославися!


Икос 4


Свет от Света сущий, облак светел подъят Тя, ученицы же зряще Тя со славою возносящегося, радостно восхвалиша Тя: Пойте Господа, небеса прошедшего. Пойте Его, к нам человеколюбно снизшедшего. Пойте Его, утешение пославшего. Пойте Его, от гроба восставшего. Пойте Богу нашему, пойте, пойте Цареви нашему, пойте!


Кондак 5


Всяк язык да вопиет днесь в воскликновении: Христос взыде на небеса, отонуду же и сошел еси, Яко прославися!


Икос 5


Всяческая ныне славою исполняются, яко Господь возсел одесную Отца, сего ради неизменно поем: Пойте Иисуса, Пастыря чудного. Пойте Его, Премудрого. Пойте Его, мир обновившего. Пойте Его, Божество и человечество в Ипостаси Своей Соединившего. Пойте Богу нашему, пойте, пойте Цареви нашему, пойте!


Кондак 6


Мир весь видимый и невидимый, Ангели и человецы непрестанно славят Вознесение Твое с песнию: Яко прославися!


Икос 6

Апостоли взыграшася, зряще на высоту Спасителя вземлема и скорбь оставиша, со страхом и веселием взываху: Пойте Господа, с плотию восходящего. Пойте поклонение приявшего. Пойте от скорби нас избавившего. Пойте вере нас наставившего. Пойте Богу нашему, пойте, пойте Цареви нашему, пойте!


Кондак 7


Согласно восшумим песнь Христу Богу, яко взыде Ходатаем за нас от земли на небо. Ангели, архангели, возопите с нами: Яко прославися!


Икос 7


Ангельски в мире торжествуем, яко солнцу Иисусу восходящу светло воспоем: Пойте Его, светом невечерним сияющего. Пойте Его, дущу озаряющего. Пойте Его, скорбь в радость претворяющего. Пойте Его, в обители райския нас вселяющего. Пойте Богу нашему, пойте, пойте Цареви нашему, пойте!


Кондак 8


Да каплет свыше облако веселие вечное и напояет жаждущую душу водами благочестия с верою взывающих: Яко прославися!


Икос 8


Услышавше, яко рай отверзеся нам чрез Вознесение Твое, вопием: Пойте Господа, нас искавшего. Пойте Его, нас всех спасшего. Пойте Его, нас в други Себе принявшего. Пойте Его, бессмертие даровавшего. Пойте Богу нашему, пойте, пойте Цареви нашему, пойте!


Кондак 9


Горнии силы естество наше зряще на небеси, дивящеся страннаго образа восходу, видяще же своего Владыку и Господа, возопиша: Яко прославися!


Икос 9


Ходатая нашего, с плотию в вышних видяще, согласно вопием: Пойте Его снисхождение. Пойте Его долготерпение. Пойте Его Воскресение. Пойте Его Вознесение. Пойте Богу нашему, пойте, пойте Цареви нашему, пойте!


Кондак 10


Воспоим вси людие со славою Вознесшагося Господа и одесную Отца нас спосадившего, победную песнь: Яко прославися!


Икос 10


Видя своего Владыку и Господа на облацех носима, Апостоли возопиша: не остави нас сирых, Господи! Но Божьего Сына познавше и обещание Духа Святаго приявше, возгласиша: Пойте Господа, Отцу Единосущна. Пойте Его, присно Суща. Пойте Его, Бога неизменнаго. Пойте Его, Человека совершеннаго. Пойте Богу нашему, пойте, пойте Цареви нашему, пойте!


Кондак 11


Зряще Твое Вознесение, Христе, воспеваем Твой светообразный Лица зрак и, славяще Тя, песнь победную вопием: Яко прославися!


Икос 11


Почто червлены ризы Твоя, Господи? — Бесплотнии силы трепетно вопрошаху, дело же милосердия Божьего познавающе, радостно взываху: возьмите врата, прииде бо Христос, Тело земное нося, страстию Своею тварь на земли спасе, тем же и человеков звати приглашаху: Пойте Господа до смерти нас возлюбившего. Пойте Его, от мучения вечнаго исхитившего. Пойте Его, за грехи мира не погубившего. Пойте Его, небесных и земных воедино соединившего. Пойте Богу нашему, пойте, пойте Цареви нашему, пойте!


Кондак 12


Предсташа Ангели Апостолом, зрящим Вознесение Иисуса, рекоста: Что стоите, зряще на небо? Им же образом видите Христа восходяща с плотию, паки приидет судити мир, Яко прославися!


Икос 12


Приидите, воспрянем вси и в горняя очи и мысли возведем, на Елеонскую гору востечем, тамо бо Господь, Апостолы утешая, рече: не разлучаюся с вами, но всегда пребываю; Аз есмь с вами и никто же на вы. Они же воспеша: Пойте смерти Победителя. Пойте нашего Искупителя. Пойте возлюбленнаго Учителя. Пойте всех человеков Спасителя. Пойте Богу нашему, пойте, пойте Цареви нашему, пойте!


Кондак 13


О, великая тайна, о, чудо преславное! Всеми владычествуяй, Господь сил и Учитель наш, от земли к небесным отходя, Духа Святаго послати учеником обеща, и тии с радостию возвратишася во Иерусалим, пребывая всегда в храме и радостно поя песнь победную: Яко прославися!

 

 

АКАФИСТ ПРЕОБРАЖЕНИЮ ГОСПОДНЮ


Вместо первого кондака поется тропарь праздника:


Преобразился еси на горе, Христе Боже, показавый учеником Твоим славу Твою, якоже можаху, да возсияет и нам, грешным, свет Твой присносущный молитвами Богородицы, Светодавче, Слава Тебе.


Икос 1


Во всего человека облекшийся, Господи, просветил еси на горе Фаворстей естество наше и изменением вида Твоего Богосоделал его, тем же вопием: Господи, очисти и наши души к Божественному восхождению на гору Святую Твою. Господи, просвети ум наш, да во свете Твоего Лица узрим свет. Господи, даждь быти и нам самовидцами славы Твоея. Господи, измени и нас изменением лучшим. Господи, во свете лица Твоего пойдем и о Имени Твоем возрадуемся во веки!


Кондак 2


О Господе Спасителе нашем радующеся в день сей, поем песнь в веселии: Аллилуиа.


Икос 2


Слово Божие, нас ради воплотившееся, просвещает земный состав наш, тем же чертог славы будущия зряще, взыдем на гору Господню и к Нему воззовем: Господи, осияй нас Божественным облистанием Твоим! Господи, яви нам единый путь лица Твоего. Господи, возвыси дух наш, да узрим славу Преображения Твоего. Господи, во свете лица Твоего пойдем и о Имени Твоем возрадуемся во веки!


Кондак 3


Лицы ангельстии, сошедше на гору Фаворскую, трепетно зряще славу Господа, воспевают песнь: Аллилуиа.


Икос 3


Апостоли, горы достигша, яко обители райския, радости исполнишася и возопиша: «Господи, добре нам зде быти», и мы, подражающе им, вопием: Господи, добре нам зде быти с Тобою. Господи, добре нам с Тобою тамо быти. Господи, добре нам с Тобою в скорби быти. Господи, добре нам с Тобою во славе быти. Господи, добре нам с Тобою в смерти быти. Господи, добре нам с Тобою и по смерти быти. Господи, во свете лица Твоего пойдем и о Имени Твоем возрадуемся во веки!


Кондак 4


Высоту небесного жития и славы присносущныя, Божественное сияние даруй рабом Твоим, празднующим Твое Преображение и поющим песнь: Аллилуиа.


Икос 4


Уподобися гора Фаворская селению райскому, светлостию солнечною сияющая и землю всю озаряющая и всех вопити научающая: Господи, сподоби со Апостолами ныне Тебе поклонитися. Господи, даждь нам молитвами просветитися. Господи, даждь Твое светлое Преображение верою узрети. Господи, даждь силу его дивно воспети. Господи, во свете лица Твоего пойдем и о Имени Твоем возрадуемся во веки!


Кондак 5


Твоей, Христе, славе непостижимей Апостоли дивляхуся и радостно пояху песнь: Аллилуиа.


Икос 5


Видеша на Фаворе Моисей и Илия от Девы Бога воплощеннаго человеком на избавление, с удивлением и радостию взываша: Господи, Ты еси камень в пустыни разверзший. Господи, Ты еси море Чермное посекший. Господи, Ты еси враном в пустыни люди питати велевший. Господи, Ты еси Бог, к человеком снизшедый. Господи, во свете лица Твоего пойдем и о Имени Твоем возрадуемся во веки!


Кондак 6


Отеческого существа сияние вечное, Сыне Божий возлюбленный, доброты благолепие учеником Своим милосердно явил еси, его же не можаху вмещати, воспеша радостно: Аллилуиа!


Икос 6


Юже во двою существу, во Ипостаси Единей, Бог-Слово всему Божеству соедини человечество, наше спасение устрояя, обильно невещественный свет показал, его же со страхом и радостию видевше, вернии возопиша: Господи, во свете Твоем наши пути направи. Господи, сиянием его на стезю правды и истины настави. Господи, светом Твоим души наши просвети. Господи, им же естество наше чудне преобрази. Господи, во свете лица Твоего пойдем и о Имени Твоем возрадуемся во веки!


Кондак 7


Иже купину прикоснувшуюся огню сохранивый неврежденно, Господи, ныне и Богосиянную плоть Твою показал нам, поющим радостно: Аллилуиа!


Икос 7


Илию и Моисея неизреченно осиял еси, стоя посреде Апостолов Твоих, Господи, да Твое покажеши яве неизреченное Второе пришествие, тем же Ти взываем: Господи, и нам Отеческий глас внуши. Господи, и нашу волю в Твое послушание приими. Господи, и нам Божественное житие приложи. Господи, Твое милосердие покажи. Господи, во свете лица Твоего пойдем и о Имени Твоем возрадуемся во веки!


Кондак 8


Света от Света, Бога Истинна от Бога Истинна, светом наставляющего тварь, величаем и поем: Аллилуиа.


Икос 8


Узревше мысленно Божество Отца и Духа в Сыне Единородном, блистающе станем вси во граде Бога живаго и воззовем: Господи, и нас любовию Своею привлецы. Господи, Божественным желанием нас премени. Господи, облаком светлым нас осени. Господи, ризы души убели. Господи, во свете лица Твоего пойдем и о Имени Твоем возрадуемся во веки!


Кондак 9


Сый прежде век, светом, яко ризою одеяйся, паче солнца на Фаворе просиял еси, Ему же велегласно поем: Аллилуиа.


Икос 9


Естество человеческое воспринял еси, Господи, Божеством Своим просветил его, сего ради благодарственне вопием: Господи, светоносную благодать нам вдохни. Господи, помыслы мудрыми нас осени. Господи, любовию Своею нас посети. Господи, благодатию Твоею нас освяти. Господи, во свете лица Твоего пойдем и о Имени Твоем возрадуемся во веки!


Кондак 10


Хотя явити славу Твою, на горе преобразился еси, Христе, да уразумеем страдания Твоя вольная и воспоем Ти песнь: Аллилуиа.


Икос 10


Разумом Божественным наставляя, сиянием просвещая, света жилище боголепно явил проповедником Твоим, Господи, да егда Тя узрим распинаема, мужественно воззовем: Господи, от грехов освободи. Господи, от клятвы искупи. Господи, от вечныя смерти спаси. Господи, во Царствии Твоем помяни. Господи, во свете лица Твоего пойдем и о Имени Твоем возрадуемся во веки!


Кондак 11


Исхода Твоего, Господи, ужасахуся пророцы и Апостоли и в трепете воспеша: Аллилуиа.


Икос 11


Согласно славяще Преображение Твое, Господи, от бури отчаяния спасаемся вси. Надежду славы чад Божиих, яко основание души, тако взывающим сохрани: Господи, во веки благословенный. Господи, над всеми превознесенный. Господи, Ангелы радостно певаемый. Господи, на земли человеками благодарне славимый. Господи, во свете лица Твоего пойдем и о Имени Твоем возрадуемся во веки!


Кондак 12


Троичное явление на Фаворстей горе Апостоли видевше, радостно возопиша: Аллилуиа.


Икос 12


Единородного от Отца славу зряще, духом совозвышающеся, благочестне радостно воспоим: Господи, на высоту добродетелей вознеси. Господи, просвещение Твое источи. Господи, мое естество светлостью Божества Твоего просвети. Господи, во свете лица Твоего пойдем и о Имени Твоем возрадуемся во веки!


Кондак 13


О, Иисусе Христе, на Фаворе ради нас преобразивыйся, Божественныя Твоея славы причастники и нас сотвори, да и мы во свете лица Твоего пойдем и непрестанно верою воспоим: Аллилуиа, Аллилуиа, Аллилуиа!

 

 

АКАФИСТ ВВЕДЕНИЮ ВО ХРАМ ПРЕСВЯТОЙ БОГОРОДИЦЫ

 


Икос 1


Ангели вхождение Твое, Пречистая Дева, во Святая Святых зряще, удивишася, мы же, земнороднии, радости исполнени, восхваляем Тя: Радуйся, одушевленная скиния. Радуйся, сокровище славы Божией. Радуйся, пророками пронареченная. Радуйся, Ангелами чтимая. Радуйся, богоизбранная Отроковице Марие, Владычице наша всеблагая!


Кондак 2


Неизреченных Божественных таин зря в Тебе благодать являемую, вопием смиренно Богу: Аллилуиа!


Икос 2


Слыши, Дево, и приклони ухо твое к песнопениям, с любовию Тебе приносимым: Радуйся, Святая Святых большая. Радуйся, кадильнице всезлатая. Радуйся, свещнице, свет миру явившая. Радуйся, Богоизбранная Отроковице Марие, Владычице наша всеблагая!


Кондак 3


Сила Всевышняго укрепи Тя, егда праведнии родители Твои Иоаким и Анна приведоша Тя в храм Господень. Ты бо, младенствующая Юннице, взошла, еси ни ким же держима до самого входа и мы, Тобою укрепляемии, вопием Богу: Аллилуиа!


Икос 3


Имуще Тя, яко Всесветлое солнце, радости исполняемся и вопием: Радуйся, Предстательница наша пред Богом и Сыном Твоим. Радуйся, благоуханный фимиаме. Радуйся, печалей наших избавление. Радуйся, душ наших увеселение. Радуйся, Богоизбранная Отроковице Марие, Владычице наша всеблагая!


Кондак 4


Благоприятная Богу жертва приносится днесь, великий архиерей Захария руками своими приемлет Ю. Мы же Свещеносицу достойно ублажим, воспевая: Аллилуиа!


Икос 4


Слышаша древнии людие девственнии лицы, псалмы и песньми Деву Отроковицу в храм Господень провождающих, благоговейно вопрошаху: «Что сие радостное происхождение? Кто сия Юнница, аки заря солнечная сияющая?» Мы же на сем пути стекшеся, велегласно вопием: Радуйся, благодати источниче. Радуйся, храме и палато Царя и Бога нашего. Радуйся, входящая во храм, да Сама храмом соделаешися. Радуйся, чудо всемирное. Радуйся, Богоизбранная Отроковице Марие, Владычице наша всеблагая!


Кондак 5


Боготечная звездо, нам путь во храм указующая! Ей же мы последствующе, поим Богу: Аллилуиа!


Икос 5


Видяще Тя девы, сверстницы Твои, Дево, радостно во храм текущую, светильницы возжигающе, песньми провождаху Тя, глаголюще: Радуйся, со Ангелы беседующая. Радуйся, голубице чистая. Радуйся, солнца светлейшая. Радуйся, от всех родов предизбранная. Радуйся, Богоизбранная Отроковице Марие, Владычице наша всеблагая!


Кондак 6


Проповедник Твоего вхождения, Дево, бысть святый Давид псалмопевец, рече бо: «Приведутся Царю Девы вслед Ея, приведутся искреннии Тебе, приведутся во храм». Зряще сбытие пророчества сего, поем: Аллилуиа!


Икос 6


Воссия днесь, празднолюбцы, светлейшее торжество, да сошедшеся во святем празднике сем, играюще, вопием: Радуйся, Дева Всепетая. Радуйся, Ангелы дориносимая. Радуйся, верными ублажаемая. Радуйся, яко слава Твоя несказанная. Радуйся, Богоизбранная Отроковице Марие, Владычице наша всеблагая!


Кондак 7


Хотяще исполнити обещание свое, праотцы святии Иоаким и Анна рекоша к Преблагословенней: «Гряди чадо, в церковь Господню и буди плод благословенный Господу». Мы же торжествуя смотрения Зиждителева исполнение, вопием Богу: Аллилуиа!


Икос 7


Новую показа Господь благодать людем Своим, егда чертог славы Своей яви ясно в храме Господнем Деву Богородицу, да чудо видяще, вси вопием: Радуйся, Божие к людем благоволение. Радуйся, Ходатаице нашего спасения. Радуйся, благочестия утверждение. Радуйся, послужившая тайне воплощения. Радуйся, Богоизбранная Отроковице Марие, Владычице наша всеблагая!


Кондак 8


Странное зряще видение, устранимся суетного попечения и ум на Божественная возложим, вопия Богу: Аллилуиа!


Икос 8


Вся горе устремлена бывшая и духом пламеневшая, нас не остави, Дево Всенепорочная, тем же приими пение сие: Радуйся, Ангелы питаемая. Радуйся, светом небесным облиставаемая. Радуйся, благодатию Божиею снабдеваемая. Радуйся, сиянием невечерним озаряемая. Радуйся, Богоизбранная Отроковице Марие, Владычице наша всеблагая!


Кондак 9


Всякое естество Ангельское удивися неизреченному Божественному смотрению, како Дева уготовляется служению спасения рода человеческого, мы же вопием: Аллилуиа!


Икос 9


Витии многовещаннии недоумеют, како по достоянию восхвалити всечестный праздник Твой, Дево Богородице, и, дивящеся, вопиют: Радуйся, Весно радостная, благодатно ум просвещающая. Радуйся, в прообразех уразумеваемая. Радуйся, в псалмех и гуслех певаемая. Радуйся, Луче светозарная. Радуйся, Богоизбранная Отроковице Марие, Владычице наша всеблагая!


Кондак 10


Спасти хотя мир, Промыслитель Господь устрои Тя, Пречистая, в храм Свой, Богородице, идеже и мы спасение обретающе, вопием: Аллилуиа!


Икос 10


Стена еси Дево, всем к Тебе притекающим: Радуйся, небес превысшая. Радуйся, всех радосте. Радуйся, небесное селение. Радуйся, сердца умиление. Радуйся, Богоизбранная Отроковице Марие, Владычице наша всеблагая!


Кондак 11


Пение всякое недостаточно к восхвалению Тя, Дево Богородице, но, любовию побуждаеми, не умолчим пети: Аллилуиа!


Икос 11


Светоносную палату, Солнцем правды освещаемую, зрим Деву Всесвятую и вся приглашаем воспети: Радуйся, Доме благодати. Радуйся, Мати Истинныя Жизни. Радуйся, вся пророчества на Себе исполнившая. Радуйся, родившая Предвечно рожденного. Радуйся, Богоизбранная Отроковице Марие, Владычице наша всеблагая!


Кондак 12


Благодать дати восхотев роду человеческому, избра Тя Господь Деву Чистую, да будеши всем в радость вечную, вопиющим Аллилуиа!


Икос 12


Поюще радостно Твое вхождение в храм Божий, Богоизбранная Отроковице Марие, с веселием вопием: Радуйся, нас защищающая. Радуйся, любовию вся покрывающая. Радуйся, верных охраняющая. Радуйся, к Богу приводящая. Радуйся, Богоизбранная Отроковице Марие, Владычице наша всеблагая!

 

 

 

АКАФИСТ ВСЕМ СВЯТЫМ

 


Икос 1


Ангелов подражателие и человецы небеснии воистину есте вы, угодницы Божии, тем же хвалебными гласы воспеваем вас сице: Радуйтеся, звезды пресветлии, нас озаряющии. Радуйтеся, огнем любви Господней воспламеняемии. Радуйтеся, бесплотнии лики удивившии. Радуйтеся, ныне Богу предстоящии. Радуйтеся вси святии, светом невечерним нас озаряющии.


Кондак 2


Видевше силу Христову, в вас всельшуюся, молимся Господу, вас почитающии, угодницы Божии, да сподобит и нас невозбранно служити Ему и непрестанно со Ангелы воспевати песнь: Аллилуиа!


Икос 2


Разумом богопросвещенным познавше радость жития Божественного, потекли есте на путь Христов истинный, сего ради и мы, вам последствующе, званиями почитаем сими: Радуйтеся, самим делом заповеди Евангельския совершающие. Радуйтеся, яко агнцы, последовавшии Истинному Агнцу. Радуйтеся, почести мирския Христа ради оставившии. Радуйтеся, крест Христов с усердием понесшии. Радуйтеся вси святии, светом невечерним нас озаряющии.


Кондак 3


Силою Божиею укрепляемии, тихого пристанища спасения достигли есте, угодницы Божии, сладце воспевая Спасителю Богу: Аллилуиа!


Икос 3


Имея послушание Господу, неленостно трудились угодницы Христовы, бодренно восходя к совершенству духовному, тем же восхваляя вас, взываем сице: Радуйтеся, искатели блаженства вечнаго. Радуйтеся, глубину мудрости духовныя стяжавшии. Радуйтеся, путь свой в Царствие Божие любве слезами орошавшии. Радуйтеся, бисер — Христа на сем пути обретшии. Радуйтеся вси святии, светом невечерним нас озаряющии.


Кондак 4


Буря житейская не возможе поколебати крепость произволения вашего, еже угождати Единому Господу, тем же вся волны мирския отразивше, победоносно воспели серафимскую песнь: Аллилуиа!


Икос 4


Слышавше о добродетельном житии вашем, угодницы Божии, в радости и умилении зовем: Радуйтеся, искреннии друзи и собеседницы Христовы. Радуйтеся, любовь ко Господу стяжавшии. Радуйтеся, Господом зело возлюбленнии. Радуйтеся, высокая дерзновения духовная получившии. Радуйтеся вси святии, светом невечерним нас озаряющии.


Кондак 5


Боготечныя светила на свещнице высоцем поставленнии со страхом и благоговением в жертву Господу себе принесшии, от любве теплии Ему истинно воспевшии: Аллилуиа.


Икос 5


Видяще вас, угодницы Божии, всем житием своим Богу жертву принесших, сугубо взываем: Радуйтеся, украсившиеся добротами первого доброго творения. Радуйтеся, онебесившие Церковь Христову. Радуйтеся, унаследовавшии обители небесныя. Радуйтеся, имена свои в книзе животней вписавшии. Радуйтеся, вси святии, светом невечерним нас озаряющии.


Кондак 6


Проповедницы жизни божественныя, облацы светозарнии Христова свидетельства, ныне прославляетеся в сонме своем, ликуя с Господом и поя в веселии: Аллилуиа.


Икос 6


Возсия в вас свет небесный, угодницы Божии, еще сущим вам на земли, им же облиставаемы, и нам, яко зарями сияющии, благодать посылаете, ею же возгреваемии, воспеваем сице: Радуйтеся, благоволением Владыки мира облагодатствуемии. Радуйтеся, блаженства и утешения преисполненнии. Радуйтеся, в вертограде духовнем веселящиеся. Радуйтеся, дарами Божественными одареннии. Радуйтеся вси святии, светом невечерним нас озаряющии.


Кондак 7


Дивно и како еще на земли суще, обладателие небесных сокровищ были есте, тем же благоговением и страхом объятии, вопием Богу, дивному во святых Своих: Аллилуиа!


Икос 7


Новое творение показал еси, Господи, в людех Твоих — яко цветы райския, духовно процветшии, землю украсиша, тем же, с любовию прославляюще их, вопием: Радуйтеся, к подвигам высоким потекшии. Радуйтеся, дары совершенства Христова достигшии. Радуйтеся, даром чудотворений обогащеннии. Радуйтеся, будущее, яко настоящее зревшии. Радуйтеся вси святии, светом невечерним нас озаряющии.


Кондак 8


Странное и недомыслимое видение бысть людем земным ваше чудное житие, мы же, зная силу Божественную в вас совершаему, поем Богу: Аллилуиа!


Икос 8


Вси в Бозе есте, упование крепкое на Него возложившии, верою несомненною вся добре совершившии, примите от почитающих боголюбие ваше песни сия: Радуйтеся, цветами жития своего землю украсившии. Радуйтеся, таинники благодати Божественныя. Радуйтеся, присно славословящии Господа. Радуйтеся, и нас к сему славословию побуждающии. Радуйтеся, вси святии, светом невечерним нас озаряющии.


Кондак 9


Вси вернии, подвиги ваши зряще и ангелоподобному житию подражати хотяще, воспевают: Аллилуиа!


Икос 9


Витийство человеческое не возможет изрещи величие подвигов и чудес ваших, угодницы Божии, ими же житие ваше, яко цветами благовонными, духовно благоукрасили есте, души верных облагоухая сладостию святыни вашея и приводя к славословию: Радуйтеся, со Ангелы ликующии. Радуйтеся, наследницы Царствия Божия. Радуйтеся, прадеднее падение исправившии. Радуйтеся, светящиеся светлостию неугасимыя благодати. Радуйтеся, вси святии, светом невечерним нас озаряющии.


Кондак 10


Спасение вечное унаследовали есте, угодницы Божии, кончину в Господе, яко венец, подвигом вашим получили есте и ныне предстоите Господу, немолчно воспевая: Аллилуиа!


Икос 10


Царя Небеснаго рабы благия и верныя, данный вам талант не скрыли есте, трудолюбием его усугубивше, многу куплю духовную им сотворивши, вам подражати и благую надежду спасения стяжати помозите, угодницы Божии, да со умилением гласы поем: Радуйтеся, житие земное свято скончавшии. Радуйтеся, дух свой в руце Божии предавшии. Радуйтеся, яко память Церкви Божией с похвалами почитается. Радуйтеся, яко преселившеся в обители небесныя, и нас, земных, не оставляете. Радуйтеся вси святии, светом невечерним нас озаряющии.


Кондак 11


Пение молебное приносим вам, угодницы Божии, яко лучи чудес многих испущающе, души верных озаряете, да благодарне зовем Богу: Аллилуиа!


Икос 11


Светозарнии светильницы, тьму неведения озаряющии и духовным сиянием просвещающии, тихое пристанище в вас обретающе и любовию величающе, песненно вопием: Радуйтеся, от горних высот благосердием своим к земнородным приникающии. Радуйтеся, прошения наша во благо исполняющии. Радуйтеся, реки воды Божественныя приснотекущии. Радуйтеся, источницы, никогда не оскудевающии. Радуйтеся, вси святии, светом невечерним нас озаряющии.


Кондак 12


Благодати Божия храмы светлыя при житии бывшия, угодницы святии, и по преставлении причастницы тоя же соделалися есте, явите и нам, недостойным, щедроты молитвенныя своя и предстательством теплым окормите нас ко пристани спасения, да поем на земли живых вечно Сущему Богу: Аллилуиа!


Икос 12


Поюще многое и преславное, явленное и неявленное, ведомое и неведомое в житии вашем, святии угодницы Божии, смиренно вас просим, небесных заступников наших, да сподобит нас Господь Вседержитель молитвами вашими достигнути обителей райских, да благодарными гласы зовем: Радуйтеся, пресвятии Единосущныя Троицы служители. Радуйтеся, ангельских сил небесныя собеседницы. Радуйтеся, о них же радуются и Бога хвалят человецы. Радуйтеся, яко звезды сияющии и нам путь в горняя указующии. Радуйтеся, вси святии, светом невечерним нас озаряющии.


Кондак 13


О, угодницы Божии и святии вси человецы, вы горе на небеси, мы же долу на земли удаленнии от вас не только местом, колико грехами нашими, обаче дерзаем приносити вам малое похвальное пение сие, еже милостиво приемше, умолите Милосерднаго Господа, да помилует нас и сподобит вкупе с вами пети в Царствии Небесном вечно радостную песнь: Аллилуиа, Аллилуиа, Аллилуиа!

 

 

АКАФИСТ ГОСПОДУ ИИСУСУ ХРИСТУ, ИСКУПИТЕЛЮ ГРЕШНЫХ

 


Кондак 1


Агнец Божий снизшел с неба на землю спасти грешныя. Слово первое, еже возглаголал Спаситель мирови: «Покайтеся и веруйте во Евангелие», покаянием бо падшее создание во образ Божий паки возставляется. Приемля с верою сей священный призыв нашего Бога и Искупителя, мы, грешнии, зовем Господу Иисусу Христу, Сыну Божию: Без числа согрешихом, Господи, прости нас.


Икос 1


Божественным словом спасения, призывая грешных к покаянию, Ты, Христе Иисусе, просветил еси вселенную, подавая людям беззаконным дары любви и всепрощения. Сими бо добродетели надежду спасения в сердца грешных вселяеши, Человеколюбче, сии дары щедрот Твоих приемлем, Господи, и умиленным сердцем взываем Ти: Иисусе, грешных Спасителю. Иисусе, зла Потребителю. Иисусе, вселенныя Искупителю. Иисусе, падших природы Обновителю. Без числа согрешихом, Господи, прости нас.


Кондак 2


Видя, яко чрез немощь естества своего гибнет в тени смертней род человеческий, Отец Небесный, чада Своя любящий, посла в мир Сына Своего Единородного, да всяк веруяй в Него не погибнет, но имать жизнь вечную. Мы же, недостойнии, верою познавше сию тайну любви Божественныя, благодарно Богу поем: Аллилуиа!


Икос 2


Грешницу-блудницу от побиения каменьми дивно свободивый, тем показал еси, Сыне Божий, яко несть греха, иже не прощен любовию Господа. Уповая на сие безмерное милосердие Твое, просим у Тебе, Всемилостиве, прощение грехов наших, и Тебе, беззаконий человеческих Искоренителю, зовем со умилением: Иисусе, средостение греховное разоривый. Иисусе, многобожие идольское упразднивый. Иисусе, святыню Сиона возлюбивый. Иисусе, человечество любовию возвеселивый. Без числа согрешихом, Господи, прости нас.


Кондак 3


Дары любви и всепрощения подай нам, великим грешникам, Всещедрый Иисусе, Сыне Божий, без числа бо согрешихом пред Правдою Твоею вечною. Приими милосердне наши слезы и воздыхания. Сними, Искупителю, с наших сердец бремя тяжкое греховное, да в покаянии душ наших восклицаем Ти, Спасителю нашему: Аллилуиа.


Икос 3


Елей милосердия и вино любви Твоея в приточных сказаниях дивно возлил еси, Сыне Божий, на раны впадшего в разбойники, в сем деянии являя мирови щедроты милосердаго Самарянина. И мы, многогрешнии, испрашивая у Тебе елей любви Твоея на раны душ наших, зовем Ти: Иисусе, елей и вино на раны человечества изливающий. Иисусе, и самых отчаянных грешников и беззаконников чудесно спасающий. Иисусе, сердца к небесам воздвизающий. Иисусе, пути заблудших исправляющий. Без числа согрешихом, Господи, прости нас.


Кондак 4


Жизнью назвал еси Себе Ты, Сыне Божий, ибо даруеши всем алчущим насыщение хлебом безсмертия и всем жаждущим напоение водою, текущею в жизнь вечную. Мы же, в суете мира сего погибающии, жаждая страждущим душам нашим жизни вечныя и спасения, с верою в Тя, Источника безсмертия, взываем Ти: Аллилуиа.


Икос 4


Зарю истинного просвещения рождаеши Ты, Свете Вечности, Иисусе Христе, Сыне Бога Живаго, научаеши бо вселенную истине и благочестию. Просвети и нас, Господи, Светом Твоея премудрости и утверди в правилах благочестия, да спасаемии Тобою, с благодарением возопием Ти: Иисусе, вселенныя просвещение. Иисусе, грешных душ возрождение. Иисусе, истине научение. Иисусе, лучами премудрости озарение. Без числа согрешихом, Господи, прости нас.


Кондак 5


Иисусе, Сыне Божий, Матфея, Левия, Симеона и Андрея, Иакова и Иоанна из тьмы в чудный свет Свой призвавый, призови и наши нечестивыя сердца к покаянию, да в сиянии и благочестии познаем Тебе, Великого Бога нашего и да поживем во свете заповедей Твоих по воле Твоей, хваля величие Твое дивным возглашением: Аллилуиа.


Икос 5


Крайнее снисхождение Твое, Сыне Божий, к людям грешным являеши, врачуя язвы человеческих душ Твоим бесконечным милосердием. Тем же молим Тя, Всещедре, очисти нас от беззаконий наших, уврачуй недуги сердец наших, укрепи во благочестии житие наше, даруй нам силы духовные прославляти Тя, Бога нашего, таковыми словесы: Иисусе, бездно любве всесвятыя. Иисусе, сокровище наше милосердия златое. Иисусе, манно сердцам вечно живая. Иисусе, палато блаженства драгая. Без числа согрешихом, Господи, прости нас.


Кондак 6


Людие заблужденнии отвергоша Тя, Источника вечнаго спасения, ожесточиша бо разум свой мраком неведения и тления нечестиваго жития. Мы же, свет Истины Твоея через Церковь святую познавше и благодать Твою в таинстве веры восприявше, в радости верующего духа с упованием возглашаем Святыне Истины Твоея: Аллилуиа!


Икос 6


Мудрецы мира сего объюродевшия отвергоша Тя, Истину воплощенную, и удалишася от Тебе, Источника Боговедения; мы же, спасение от Тебе в Церкви Твоей получивше, вопием Ти: Иисусе, от зла орудие ограждения. Иисусе, от страстей радосте избавления. Иисусе, начало духовного возрождения. Иисусе, луче вечнаго спасения. Без числа согрешихом, Господи, прости нас.


Кондак 7


Увидевше от слова Божия, яко Бог не желает погубити душу человеческую и помышляет не отринути от Себе даже и отверженного человека, мы дивимся таковому снисхождению Твоему, Человеколюбче, к грешному человечеству и дерзаем вознести Тебе смиренное моление наше: снизойди, Спасителю наш, к немощам нашим, не отрини и нас от Лица Твоего и помысли в сердце Твоем Божественном, како помиловати и нас, беззаконных, в сокрушении духа Тебе вопиющих: Аллилуиа!


Икос 7


О, Спасителю наш, Господи, Премилосердне! Ты с высоты пречестнаго Креста Твоего рекл еси вселенней: «Совершишася», показуя сим, яко ранами Твоими, Кровию и смертию совершил еси спасение греховнаго рода человеческого. О, безмерная любовь Твоя, Христе Боже, к нам, недостойным грешникам! Ибо и в горечи мук Твоих крестных не забыл еси, Человеколюбче, о нашем спасении. Прославляя сии духовные дары любве Твоея, Сыне Божий, возглашаем Ти сице: Иисусе, спасения нашего совершение. Иисусе, совести нашея с Богом примирение. Иисусе, от уз греховных свобождение. Иисусе, в добродетелех утверждение. Без числа согрешихом, Господи, прости нас.


Кондак 8


Ни глубина бездн земных, ни дивная высота небесных не могут исчислить бесконечности великия любви Твоея, Сыне Божий, к людям грешным, ибо и с небес снисшел еси Богочеловече, нас ради человек и нашего ради спасения, и смерть восприял еси за род наш и возстал от гроба, да мы пред Богом оправдимся. О, бездна щедрот Твоих, Господи! О, высота милосердия Твоего к грешным людям, Христе Боже! Во умилении сердец наших возглашаем Ти: Аллилуиа!


Икос 8


Аки солнце Божественное, светозарнии лучи милосердия Твоего подаеши Ты, о, Всещедре Иисусе, всем людям праведным и грешным кающимся, и благодатию всепрощения Твоего оживляеши души людей, заблудших и грехами обремененных. Сие снисхождение Твое к нераскаянным влечет в лоно Церкви Божественныя, и ожесточенным дает надежду духовного очищения в тайне покаяния и плачущим о грехах своих отирает очи десницею Твоего Человеколюбия, тем же всем кающимся сердцем нашим взываем Тебе, Христе Человеколюбче: Иисусе, Солнце вечнаго спасения. Иисусе, Источниче всепрощения. Иисусе, кладезю дивнаго очищения. Иисусе, сокровище всемирнаго освящения. Без числа согрешихом, Господи, прости нас.


Кондак 9


Бог есть вечный Источник бытия, ведет бо все человечество к источникам истинныя жизни, не желая смерти грешникам. Он всех их, якоже некогда и язычников, с любовию призывает восприяти покаяние в жизнь. И сие творит Господь, дабы грешников привести для вечныя радости в обителях святых Своих. О, Боже наш Христе Иисусе, како возблагодарим Тебе мы, недостойнии, за столь дивное Твое снисхождение? Какие похвалы в дар Твоему человеколюбию принесем мы, раби Твои неключимии? И токмо на милосердие Твое уповающе, дерзаем вознести Тебе преславную песнь: Аллилуиа!


Икос 9


Печаль, яже по Бозе, покаяние неизменно во спасение соделовает, а сего мира печаль смерть соделовает»,— тако глаголет божественный Павел Апостол. И мы, христиане, бежим печали мирския, трепеща мрака духовныя смерти и веруем неложно в велию радость души, приемлющей печаль святыя тайны покаяния. В сем бо таинстве веры нашея дух человеческий от скорбей мира сего чудесно свобождается. Величая святыню сих благодатных даров Твоих беззаконному человечеству, глаголем Тебе, Искупителю грешных: Иисусе, вершина искреннего покаяния. Иисусе, искоренение от грехов страдания. Иисусе, утоление о вечном блаженстве воздыхания. Иисусе, радосте Царствия Небеснаго ожидания. Без числа согрешихом, Господи, прости нас.


Кондак 10


Соломон Премудрый некогда исповеда Бога Саваофа Сердцеведцем, Иже не токмо ведает помыслы сердца человеческого, но и милует сие, егда оно, познавши бедствие свое, прострет к Богу руки своя. Тако же и мы, чада Церкви Православныя, исповедуем Сына Божия Сердцеведцем, ведуще, сколь велие бедствие приносит духу нашему греховность человеческая. О, Искупителю грешных, простираем и мы к Тебе наши немощныя руки, обращаем к Тебе наши греховные сердца и смиренно молим: помилуй нас, Господи, помилуй нас. Свободи души наша от путей заблуждения, направи совесть на стезю истинного покаяния, да в раскаянии сердец наших со дерзновением воскликнем Тебе, Искупителю нашему: Аллилуиа!


Икос 10


Грозно возглашает святый пророк Иоанн, Креститель Господень: «Порождения ехиднины, кто сказал вам бежать от будущего гнева? Сотворите убо плоды, достойны покаяния». И мы, немощнии и убозии грешники, умоляем Тебе, Спасителю наш, даровати нам благодатные силы в тайне покаяния, да освободимся праведнаго гнева Твоего на Страшном Суде Твоем, да принесем плоды святыя покаяния. Жаждет дух наш добродетельнаго жития, плачут сердца наша о потерянной святости жизни нашея. Ты Сам, Милосерде, укрепи нас к деланию заповедей Твоих. Ты Сам, Христе Боже, исполни благодатию Божественною немощные сердца наша, да чистыми устами принесем сия возглашения: Иисусе, вечности красота прекрасная. Иисусе, разума и сердца жизнь согласная. Иисусе, победа над плотию безстрастная. Без числа согрешихом, Господи, прости нас.


Кондак 11


Пророк святый Давид близок бысть к падению, скорбь велия порази немощную совесть его. Соверши беззакония и в сокрушении сердца своего плакася горько. И мы, Господи, выну на краю бездны греховныя и мы слезим о немощах наших. Вемы бо неправды наша, Боже и Господи. Сохрани чистоту душ наших среди искушений мира сего, укрепи волю в добре, очисти сердца наша омофором Твоего безмерного милосердия, да от избытка сердец наших воспоем Богу Всещедрому: Аллилуиа!


Икос 11


Блаженный пророк Иеремия слыша глас на высотах, плакаху бо сынове Израилеви, яко беззаконоваше в путех своих, яко забыша Господа Бога своего. О, Господи, Искупителю грешных! И мы горько плачем о неправдах наших, и мы жестоко скорбим о заблуждении жития нашего, извратихом бо пути христианския добродетели, в суете греховней жизни нашея неправдовахом, Господи, пред Тобою, прости, прости нас, Боже милосердный, и приими от нас, недостойных, сицевая благохваления: Иисусе, больных душ исцеление. Иисусе, вечныя радости обновление. Иисусе, падших пречудное восставление. Иисусе, драхмы потерянныя нахождение. Без числа согрешихом, Господи, прости нас.


Кондак 12


Еще чрез пророка Иоиля Ты, Господи, призвал люди Своя к покаянию, глаголя: «Обратитеся ко Мне всем сердцем вашим в посте и плаче и в рыдании» и расторгните сердца ваша и обратитеся ко Господу Богу вашему, яко милостив и щедр есть, долготерпелив и многомилостив. О, Христе Иисусе, сердца наша обращены к Тебе, Богу и Спасителю нашему. Милосердием Твоим снизойди к нам. Долготерпением ободри нас. Сжалься над нами, сирыми и беспомощными среди лютых скорбей злаго мира сего и отврати горькия бедствия от скорбнаго жития нашего. И сподоби нас в вечной славе Твоей вкупе со ангелы непрестанно пети Тебе священную песнь: Аллилуиа!


Икос 12


Иерей Божий и пророк снятый Ездра глаголет о покаянии своем: «Раздрах ризы моя и преклоних колена моя и прострох руце моя ко Господу Богу моему и рекох: «Господи Боже мой, стыжуся и срамлюся воздвигнуть лице мое к Тебе, яко беззакония наша умножишася паче глав наших и прегрешения наша возрастоша даже до неба и в беззакониях наших есмы мы вси плененнии, и в расхищении и в стыжении лица нашего». И мы, о, Христе Боже, на коленях пред Тобою слезно каемся, аки святый Ездра пред Твоим правосудием, и наша беззакония бесчисленны, и наша вина безмерна пред правдою Твоею. И доныне о, Господи, мы страждем и скитаемся и болезнуем, и наготуем, и зело бедствуем в мире сем греховном, но смиренно взываем Божественному снисхождению Твоему: Иисусе, верных присно спасающий. Иисусе, благодатию человеки освящающий. Иисусе, от страстей греховных избавляющий. Иисусе, лучами блаженства вечнаго вселенную озаряющий. Без числа согрешихом, Господи, прости нас.


Кондак 13


О, Великий Искупитель грешников, Сыне Божий, Господи Иисусе Христе! Приими от нас недостойных сие искреннее моление и спаси нас для вечныя жизни во обителех Твоих небесных. Изми сердца наша от темныя области греха и неправды, очисти нас святою тайною покаяния, да во святыни добродетельнаго жития нашего прославим Тя преславным славословием: Аллилуиа, Аллилуиа, Аллилуиа!


Молитва


О, Боже премилосердне, Христе, Искупителю грешных! Ради спасения грешников Ты оставил еси, Всемилостиве, преславные небеса и вселися еси в юдоль сию плачевную многогрешную. Ты приял еси на Божественныя рамена Твоя наша немощи и понесл еси наша болезни. Ты, о, Страдальче Святый, язвен был еси за грехи наша, и к Тебе, Чадолюбцу, наша смиренная мольба: снизойди к немощам нашим, грехов наших не помяни, ктому и удары возмездия Твоего отврати от душ наших. Кровию Твоею всечестною обновивый падшее грехом естество наше, обнови, Христе Боже, и нас, во тьме греха сущих, и утеши сердца наша радостию всепрощения, с воплем крепким и слезным безмерным припадаем к стопам Твоего небеснаго милосердия. Очисти нас, Боже, всепречистою благодатию Твоею от всех неправд жития нашего, да во святыни Твоего Человеколюбия восхвалим Пресвятое Имя Твое со Отцем Твоим и Преблагим и Животворящим Духом во веки веков. Аминь.

 

 

АКАФИСТ ГОСПОДУ ИИУСУ ХРИСТУ (ПОКАЯННЫЙ)

 

 


Кондак 1


Агнче Божий, вземляй грех мира, услыши стенание мое и скорби сердца моего
вонми, возми бремя от мене тяжкое греховное, в покаянии припадая, молю Тя: Господи, помилуй мя падшего!


Икос 1


Боже и Господи! Твое есмь творение. Но увы мне! В раи содеянный дерзновенно Адамов грех живет во мне, в телеси моем, и аз, яко раб, работаю ему всегда. Ныне же молю Тя: Помилуй мя, Творче мира горнего. Помилуй мя, Создателю естества дольнего. Помилуй мя, Владыко сил небесных. Помилуй мя, Управителю тварей телесных. Помилуй мя, вселенной Промыслителю. Помилуй мя, грешных Спасителю. Господи, помилуй мя падшего!


Кондак 2


Владыко Всемилостиве, како приступлю к Тебе с моленьми моими, омраченный грехи многими? Но, надеяся на милость благоутробия Твоего, со дерзновением зову: Аллилуиа!


Икос 2


Глаголы жизни презрел и по воле сердца моего ходил, от юности моея даже до сего дне. Ныне же в покаянии зову Тебе, Щедре: Помилуй мя, в беззаконии зачатого. Помилуй мя, во гресех рожденнаго. Помилуй мя, о спасении вознерадившего. Помилуй мя, благодати Твоея лишившегося. Помилуй мя, в сени страстей заблудившегося. Господи, помилуй мя падшего!


Кондак 3


Добро и красно, еже жити братии вкупе и друг друга любити, яко же заповедал еси нам, Спасе наш. Аз же гневом моим брата моего опечалих. Но молю Тя, Блаже, на путь заповедей пути моя направи, да пою Тебе: Аллилуиа!


Икос 3


Едине ведый человеческого естества немощь, веси вся грехопадения моя, грехи юности моея и неведения моего не помяни и от тайных моих очисти мя, зовущего: Помилуй мя, великого грешника. Помилуй мя, закона Твоего преступника. Помилуй мя, завета Твоего нарушителя. Помилуй мя, Тебе, Владыки моего, оскорбителя. Помилуй мя, в покаянии к Тебе приходящего. Господи, помилуй мя падшего!


Кондак 4


Жизни Подателю, прииди и вселися в мя, грехми умерщвленнаго, очисти мя от всякия скверны и спаси, Боже, душу мою, да зову Тебе спасаемый: Аллилуиа!


Икос 4


Заблудих, яко овча погибшее, взыщи раба Твоего, Боже мой, яко заповедей Твоих не забых еще, спаси мя недостойнаго и тепле вопиющего Ти: Помилуй мя, грехми удрученного. Помилуй мя, страстьми омраченного. Помилуй мя, гордостию обуреваемого. Помилуй мя, завистию снедаемого. Помилуй мя, ненавистию искушаемого. Помилуй мя, всякою неправдою побеждаемого. Господи, помилуй мя падшего!


Кондак 5


Идеже хощеши, Всемогущий Боже, побеждается естества чин. Естество мое ко греху влечет мя, но Ты, Создателю естества, благодатию Твоею дух прав обнови в душе моей, да невозбранно воспою Тебе: Аллилуиа!


Икос 5


Кто согреши когда, яко согреших аз окаянный? Коего греха не содеях, коего зла не вообразих в душе моей? Но дерзая прихожду к Тебе, Щедре, и вопию: Помилуй мя, раба Твоего неверного. Помилуй мя, во гресех окамененного. Помилуй мя, брата моего ненавидящего. Помилуй мя, ближнего обидящего. Помилуй мя, совесть имущего сожженную. Помилуй мя, душу имущего оскверненную. Господи, помилуй мя падшего!


Кондак 6


Лучами благодати Твоея просвети одеяние души моея, Светодавче, спаси мя, да радуюся пою Тебе: Аллилуиа!


Икос 6


Многая множества моих, Христе, прегрешений, и, яко ночь мрачная, все житие мое. Но не отчаяваюся в милосердии Твоем, Спасе мой, яко Давид вопию Ти: Помилуй мя, в молитве лениваго. Помилуй мя, в законе Твоем нерадиваго. Помилуй мя, присно празднословящего. Помилуй мя, ближних злословящего. Господи, помилуй мя падшего!


Кондак 7


На небо очи мои возвожду к Тебе, Слове, но бренное естество мое долу влечет мя, Спасе мой. О, Создателю неба, восстави мя к горнему, да победно пою Тебе: Аллилуиа!


Икос 7


Око имам лукавое и всякия нечистоты исполненное, прелестию мира сего выну прельщаюся, тем же молю Тя, Всеблаже, отврати очи мои, еже не видети суеты, да молебно зову Тебе: Помилуй мя, к Тебе обращающегося. Помилуй мя, верно Тебе поклоняющегося. Помилуй мя, слезы моя Тебе приносящего. Помилуй мя, прощения согрешений просящего. Помилуй мя, от страстей страждущего. Помилуй мя, зельне плачущего. Господи, помилуй мя падшего!


Кондак 8


Пощади мя, Спасе, пришедый в мир грешныя спасти. Молю Тя, Всемилостиве, приклонись к моим воздыханиям сердечным, приими моя источники слез, Спасе мой, да пою Тебе: Аллилуиа!


Икос 8


Разбойнически злые помыслы нападоша на мя, и, совести моей спящей, одежды светлыя, при крещении моем мне данныя, обнажиша. Тем же, наг бых добродетели, срамлюся и зову Тебе: Помилуй мя, делами благими нищаго. Помилуй мя, ни единой добродетели не имущего. Помилуй мя, правдою Твоею обличаемого. Помилуй мя, совестию моею осуждаемого. Помилуй мя, избранного стада Твоего отриновенного. Помилуй мя, чертога Твоего лишеннаго. Господи, помилуй мя падшего!


Кондак 9


Слезные подаждь ми, Боже мой, капли, да плачуся о гресех моих, очищуся от беззаконий моих и радуяся вопию Тебе: Аллилуиа!


Икос 9


Тело мое оскверних, душу мою омрачих безместными деяньми. Немоществует тело, немоществует и душа моя. К Тебе прибегая, Премилосердый Боже, молюся: Помилуй мя, в лености житие иждивающаго. Помилуй мя, тело грехми оскверняющаго. Помилуй мя, преступлением душу погубившего. Помилуй мя, прелестию мира сего сердце связавшего. Помилуй мя, мерзкими помыслами себе окалявшего. Господи, помилуй мя падшего!


Кондак 10


Уязвихся, доброту чуждую видев, и прелюбодействовах в сердце моем, блудно все житие мое иждих. Но объятия Отча отверсти ми, Боже, потщися, да ныне, на конец жизни моея, жертву хвалы принесу, вопия: Аллилуиа!


Икос 10


Хищницы и неправедницы царствия Божия не наследят. Аз же всяким хищением и всякою неправдою оскверних душу мою. Сего ради, бедствуя, зову Тебе: Помилуй мя, светлым крещением просвещенного. Помилуй мя, дарами Духа Святаго запечатленного. Помилуй мя, сердце имущаго воздыханьми несокрушенное. Помилуй мя, демонскими уловленьми плененнаго. Помилуй мя, беззаконьми оскверненнаго. Помилуй мя, слезами покаяния не омовеннаго. Господи, помилуй мя падшего!


Кондак 11


Целомудрия дух даруй ми, Господи и Владыка жизни моея, зане от дней юности лишихся добродетелей всех, и душевно и духовно себе оскверних, растлих. Боже милосердия и щедрот, очисти мя от скверны плоти и духа и сподоби пети Тебе: Аллилуиа!


Икос 11


Чаяния сердца моего, уповающего на Тя, не отрини, Господи, не посрами мя пред Ангелы и человеки на Страшном Суде Твоем. Не осуди мя по делом моим, но покрый милостию Твоею, вопиющего Тебе: Помилуй мя, Боже, суда Твоего боящегося. Помилуй мя, язвы прегрешений на себе носящего. Помилуй мя, всякия казни достойного. Помилуй мя, унынием удрученного. Помилуй мя, любоначалием снедаемого. Помилуй мя, духом праздности обуреваемого. Господи, помилуй мя падшего!


Кондак 12


Широтою любве Твоея, Боже, покрый моя согрешения и приими мя кающегося, да любовию зову Тебе: Аллилуиа!


Икос 12


Юность моя пройде в безумии, и в лености все житие мое изждих, на старости не отрини мене, Спасе мой, в покаянии взывающего Тебе: Помилуй мя, Господи, милосердием предивный. Помилуй мя, Владыко, беззакония прощающий. Помилуй мя, Святый, немощи исцеляющий. Помилуй мя, Всеблагий, малодушных утешающий. Помилуй мя, Всемогущий, прельщенных обращающий. Господи, помилуй мя падшего!


Кондак 13


Явитися имать знамение Сына Человеческого на небеси в день оный Страшнаго Твоего и Втораго Пришествия, Сыне Божий, Крест Твой Пречестный, егда восплачутся вся племена земная. О, Христе, всех Царю, подаждь ми тогда же со Ангелы святыми Тя славити и с души праведных сподоби пети: Аллилуиа, Аллилуиа, Аллилуиа!


Покаянная молитва Спасителю Христу Богу


О, Владыко, Господи Иисусе Христе, Сыне Божий, премногия ради благости, нас ради человек и нашего ради спасения в плоть оболкийся, распныйся и погребыйся и Твоею Кровию обновивый растлевшее грехом естество наше! Приими мое грешнаго покаяние и услыши глаголы моя: согреших, Господи, на небо и пред Тобою и словом, и делом, душою и телом и мыслию ума моего. Заповеди Твоя преступих, не послушах повелений Твоих, прогневах благодать Твою, Боже мой, но яко творение Твое есмь, не отчаяваюся спасения, к безмерному благоутробию Твоему дерзая, прихожду и молюся Тебе: Господи, в покаянии приими мя, даждь ми мысль благу, даждь ми помысл исповедания грехов моих. Даждь ми слезы умиления, Господи, даждь ми по благости Твоей положити начало благое. Помилуй мя, Боже, помилуй мя падшего и помяни мя, грешнаго раба Твоего, во Царствии Твоем, ныне и присно и во веки. Аминь.

 

 

 

АКАФИСТ ПРЕПОДОБНОМУ АЛЕКСАНДРУ КУШТСКОМУ

 

 


Икос 1


Ангельский нрав имел еси, отче преподобне Александре, и, яко бесплотный, непорочное житие совершил еси на земли, дивный образ совершенства духовного нам оставив, да подражаем добродетелям твоим и зовем: Радуйся, родителей благочестивых плод благославный. Радуйся, рождением твоим радость им сотворивый. Радуйся, от юности Бога всем сердцем возлюбивый. Радуйся, любовь в сердце своем к Господу укоренивый. Радуйся, преподобный Александре, светильниче всесветлый и вселюбимый!


Кондак 2


Видя Господь душу твою, от юности к исканию Единого Господа потекшую, благодатного дарования исполнь, да в веселии зовем Ему: Аллилуиа!


Икос 2


Разумом Богопросвещенным постигл еси суету мира сего, тем же вечных нетленных благ возжелал еси, отче преподобне, подвизая и нас звати тебе: Радуйся, пустынного безмолвия любителю. Радуйся, смирения рачителю. Радуйся, державы вражия низложителю. Радуйся, Господа верный служителю. Радуйся, преподобный Александре, светильниче всесветлый и вселюбимый!


Кондак 3


Силою Всевышняго осененный, непобедимым оружием Креста вооружился еси, побеждал еси всякую гордыню, непрестанно вопия: Аллилуиа!


Икос 3


Имел еси слез источник изобильный, угодниче Божий, от преизбытка желания Божественного и любве ко Господу, тем же мы ублажаем тя, зовуще: Радуйся, крепости и мужества тезоименитый подвижниче. Радуйся, ангелоподобный человече. Радуйся, молитвенниче неусыпный. Радуйся, наставниче изрядный. Радуйся, преподобный Александре, светильниче всесветлый и вселюбимый!


Кондак 4


Бурею искушений невозможно поколебати храмину души твоея, основана бо бе на твердом камене веры и непреткновенно восходил к совершенству духовному поя Богу: Аллилуиа!


Икос 4


Слышав похваляема себе от человек, убоялся еси превозношения суетнаго, отче Богомудре, и, яко истинный смирения образ, мирно и невозбранно Богу работал еси, тем же зовем: Радуйся, смирившегося Господа благий последователю. Радуйся, заповедей Его исполнителю. Радуйся, украсивыйся дарами благодати Божия. Радуйся, трудолюбче истинный. Радуйся, преподобный Александре, светильниче всесветлый и вселюбимый!


Кондак 5


Светозарный луч, просиявший в местах пустынных, был еси преподобне Александре, пламенеющим сердцем пел Господу песнь: Аллилуиа!


Икос 5


Видеша Ангельския чины равноангельное житие твое, отче богоблаженне, ревности духа твоего удивишася и прославиша Бога, укрепляющего немощное естество человеческое, мы же ублажаем тя и поем: Радуйся, иноков дивное украшение. Радуйся, крине пустынного жития. Радуйся, древо небесного насаждения. Радуйся, преподобием и правдою одеянный. Радуйся, преподобный Александре, светильниче всесветлый и вселюбимый!


Кондак 6


Проповедники подвигов твоих явишася иноцы обители Куштския, видя тя во плоти Ангела, знамение благодатного зрения на лице своем носящаго, во умилении сердца возопиша Богу: Аллилуиа!


Икос 6


Возсиял еси, яко светило Богосветлое в земли северней, на стезю спасения наставив души человеческия, тем же тя, яко сотворившего и научившего, похвалами ублажаем сими: Радуйся, источниче Боговдохновенных учений. Радуйся, хранилище преизобильное умилений. Радуйся, одушевленная скрижаль закона Господня. Радуйся, неумолчный проповедниче Евангелия Христова. Радуйся, преподобный Александре, светильниче всесветлый и вселюбимый!


Кондак 7


Хотя Человеколюбец Господь прославити место подвигов твоих, посла Ангела благовестити тебе, яко на том месте обитель иноком будет во спасение, ты же, явлением бесплотного просвещен, с радостным трепетом взывал: Аллилуиа!


Икос 7


Новое знамение благоволения Божия даровася тебе, отче преподобие, яко и в нощи свет великий блиста тебе, дивяся сему, зовем ти радостно: Радуйся, собеседниче сил небесных. Радуйся, монахов множества наставниче. Радуйся, созерцателю Божественных видений. Радуйся, причастниче небесных озарений. Радуйся, преподобный Александре, светильниче всесветлый и вселюбимый!


Кондак 8


Странно и дивно, како, преподобне отче, вся Божиим поспешением в обители устроив, со ученики твоими неумолчно возносил хвалу Господу: Аллилуиа!


Икос 8


Всего себе предал еси воле Господней, священства благодати не уклонился восприятия, аще и ужасался дух твой высоты сия, но послушание явил еси отцу твоему духовному, подвизая всех согласно звати тебе: Радуйся, Бескровныя Жертвы достойный совершителю. Радуйся, Алтаря Господня благоговейный служителю. Радуйся, преподобнии руце твои ко Господу со многим дерзновением возносивый. Радуйся, свеще, в молитве Богу возженная. Радуйся, вождю благоискусный духовный. Радуйся, преподобный Александре, светильниче всесветлый и вселюбимый!


Кондак 9


Вси иноцы обители твоея в радостный трепет приидоша, егда молитвою твоею и подвигом трудов твоих обитель их благоукрасися, вся духовная чада твоя всеумиленно возгласиша Зиждителю Богу: Аллилуиа!


Икос 9


Витийство человеческое не возможет изрещи обилие радости духовныя, еяже преисполнился еси, отче Богоносне Александре, тем же мы радостне приносим ти глаголы сия: Радуйся, благоволением Божия Матери осененный. Радуйся, Христом Богом утешенный. Радуйся, даром чудес облагодатствованный. Радуйся, будущее, яко настоящее провидевый. Радуйся, преподобный Александре, светильниче всесветлый и вселюбимый!


Кондак 10


Спасти хотя души ученик твоих, отечески назидал еси их, Богомудре, с любовию увещевал преуспевати в благочестии и Богу воспевати: Аллилуиа!


Икос 10


Стена крепка молитвы твоея, отче преподобне Александре, всем с верою к тебе притекающим во всякой скорби душевной и телесной, тем же зовем ти: Радуйся, печальных утешение. Радуйся, бедствующим помоще. Радуйся, в темнице сидящим избавление. Радуйся, больных исцеление. Радуйся, преподобный Александре, светильниче всесветлый и вселюбимый!


Кондак 11


Пение всеумиленное принесл еси Господу во время кончины твоея; молитве сущей во устех твоих, предал еси душу свою в руце Живаго Бога, Его же от юности возлюбил еси и до старости маститой Ему работал еси, тем же и радостно пришел еси во обитель небесную, идеже со Ангельскими лики поеши Триипостасному Богу: Аллилуиа!


Икос 11


Мирную кончину твою видевше ученицы твои, угодниче Божий, скорбь разлучения с тобою утешением благодатным раствориша в уповании всесильного предстательства твоего у Престола Божия, идеже слышиши с любовию зовущих тебе: Радуйся, венец безсмертныя жизни от руки Вседержителя приявый. Радуйся, в Чертоге Небеснем ликовствуяй. Радуйся, Небеснаго Сиона жителю. Радуйся, лучами Божественного Света сияющий. Радуйся, преподобный Александре, светильниче всесветлый и вселюбимый!


Кондак 12


Благодати причастник был еси, чудотворче святый Александре, тя бо и по мнозех летех яви нам Господь заступника, всяк недуг врачующего, и исцеление источающего силою Господа, Ему же воспеваем: Аллилуиа!


Икос 12


Поюще песнь, радостную хвалу и благодарение Человеколюбцу Господу, прославльшему тя в стране Российстей, молим тя, преподобие отче, буди ходатай к Нему и молитвенник о нас, зовущих ти: Радуйся, цвете, облагоуханный святою Церковью. Радуйся, заре бессмертия, нам воссиявшая. Радуйся, о душах наших предстателю. Радуйся, телес наших врачевателю. Радуйся, преподобный Александре, светильниче всесветлый и вселюбимый!


Кондак 13


О, преславный угодниче Божий, отче наш Александре, милостиво прияв от нас сие малое благодарственное пение, молитвами твоими сохрани нас от всяких недугов душевных и телесных и от грядущих мук избави, да вкупе с тобою в Царствии Небеснем поем Богу: Аллилуиа!

 

 

 

АКАФИСТ ПРЕПОДОБНОМУ НИКОНУ РАДОНЕЖСКОМУ

 

 


Кондак 1


Великого строителя Лавры Богоносного Сергия достойными похвалами ублажим преславно. Ты же, яко добрый любителю благолепия, приими от нас сицевое с любовию тебе приносимое пение: Радуйся Никоне, Церкви Российстей украшение.


Икос 1


Ангелу пустынному подражателю, к Сергию, отцу твоему, притекл еси и до конца верен заветам его пребыл еси, тем же поминай нас, в веселии зовущих ти: Радуйся Никоне, избегший житейских попечений. Радуйся, добрый послушателю отеческих учений. Радуйся, корень зла в себе победивый. Радуйся, крин благочестия в сердце своем возрастивый. Радуйся, Никоне, Церкви Российстей украшение.


Кондак 2


Видя в родителях своих доброе благочестие и веры православныя твердое исповедание, яко чадо их возлюбленное, воспевал вкупе с ними: Аллилуиа!


Икос 2


Разум добр стяжав в себе, плоды благочестивого воспитания вскоре, в младом возрасте, явил еси, кротостью и смирением Богу угождая. Сим добродетелям твоим подражая, сих добродетелей достигнути желая, велегласно зовем: Радуйся, добрая отрасле родителей благочестивых. Радуйся, еще в юности сад Христу в сердце своем насадивый. Радуйся, иноческий путь на земли избравый. Радуйся, прелести мира сего поправый. Радуйся, Никоне, Церкви Российстей украшение.


Кондак 3


Силою свыше умудренный, к подвижнику великому пришел еси и к стопам его припал еси, умоляя его, дабы единым сердцем пети с ним песнь Господу: Аллилуиа!


Икос 3


Имея от Бога дар прозрения, Сергий преподобный, отец твой духовный, узрев в тебе искреннее излияние души твоея, повеле к ученику своему Афанасию в обитель его шествовати и в ней иноческому житию поучатися. Мы же на сем пути твоем зовем: Радуйся, сердце свое преподобному отцу открывый. Радуйся, душу свою в послушание ему приклонивый. Радуйся, ревностным иноком себе явивый. Радуйся, радость небесную получивый. Радуйся Никоне, Церкви Российстей украшение.


Кондак 4


Бурю житейских помышлений презрев, сан иерея воспринял еси, в новом подвизе своем всерадостно воспевая сердцем и устны: Аллилуиа!


Икос 4


Слыша о твоем добром житии, по двоих летех преподобный отец твой Сергий возжела видети тя и с радостию прияв, в единой келии с собою жити повеле, благодатию сердце твое к совершенству уготовляя, мы же вас вкупе, яко единых, прославляем: Радуйтеся, добрии добродетелей подвижницы. Радуйтеся, душ своих в храм Божий устроители. Радуйтеся, Христовых совершенств достизатили. Радуйтеся, Ангельского жития подражатели. Радуйтеся, отцы наши Сергие и Никоне, Церкви Российстей славо и украшение.


Кондак 5


Боготечною рекою духовная дарования источающе, вся к полезному наставляюще, Сергие и Никоне преподобнии, песнь Богу воспевали есте: Аллилуиа!


Икос 5


Видевше доброго себе помощника в попечении о братии, учитель твой Сергий Преподобный, избра тя и постави игуменом обителя своея, ты же, Никоне всеславный, безмолвие возлюбивый, токмо воле отца повинуяся, приял еси бремя трудов его, того ради зовем: Радуйтеся, искреннии наши наставницы. Радуйтеся, славнии домов Божих строителие. Радуйтеся, сокровищ духовных обладателие. Радуйтеся, монашествующих собирателие. Радуйтеся, отцы наши Сергие и Никоне, Церкви Российстей славо и украшение.


Кондак 6


Проповедник Божественных учений был еси, Никоне преподобне, в церкви братию поучая пети всегда: Аллилуиа!


Икос 6


Возсияв миру светом Евангельского благочестия, к миру Ангельскому преставися учитель твой, Никоне преподобне, ты же, скорбию исполненный, приими от нас, яко от общников печали твоея, песнопения сия: Радуйтеся, преподобнии Сергие и Никоне, истиннии друзи Христови. Радуйтеся, вернии исполнителие заповедей Его. Радуйтеся, добрии делателие вертограда Его. Радуйтеся, блаженнии наследницы горения славы Его. Радуйтеся, отцы наши Сергие и Никоне, Церкви Российстей славо и украшение.


Кондак 7


Хотя добре исполнити служение твое, любовь отеческую к братии изливал еси, яко миро всюду благоуханное, воздвизая всех пети: Аллилуиа!


Икос 7


Дивно являл еси в житии твоем многия труды твоя, еще и словом поучения монашествующих наставляя, како жити им по воле Творца своего; за сию ревность делания твоего приими похвалу сию: Радуйся, добрый пастырю овец своих. Радуйся, преподобного Сергия достойный преемниче. Радуйся, твердый исполнителю его велений. Радуйся, любимый посреде монашеских селений. Радуйся Никоне, Церкви Российстей украшение.


Кондак 8


Странно безмолвия любителю обителью иноков управляти и игуменом братии быти и по шести летех на подвиг совершенного уединения, преподобне отче, устремитися, да единою душею неразлучно Богу предстоя, вопити ему: Аллилуиа!


Икос 8


Весь горе возвысися и созерцая сердцем неизреченная и преславная, не можаше отринути моление братии: «Попекись и о спасении ближних твоих» с любовию приял паки бремя трудов в обители; сих ради и мы паки зовем ти: Радуйся, скорый послушателю верных молений. Радуйся, теплый ходатаю наших прошений. Радуйся, горе предстоящий. Радуйся, доле усердием горящий. Радуйся Никоне, Церкви Российстей украшение.


Кондак 9


Вся братия обители Святыя Троицы печали исполнися, егда хан Эдигей опустоши землю Российскую и к обители их приступи, токмо молитвами Никона, игумена своего, не остави пети песнь: Аллилуиа!


Икос 9


Ветии многовещаннии недоумевают, что глаголати о пречудном видении преподобного, егда святители Московские Петр и Алексий, а с ними и преподобный Сергий, явишася и рекоша ему: «Угодно сие Господу, да коснутся сего места иноплеменницы, но не скорбите и не смущайте сердец ваших: искушение скоре прейдет и обитель не токмо не запустеет, но более еще расцветет». За сие откровение тебе достойно воспеты похвалы сия: Радуйся, Никоне, молитвенниче теплый и преизрядный. Радуйся, бодрственный пастырю и преизящный. Радуйся, откровений Божиих зрителю. Радуйся, будущих, яко настоящих созерцателю. Радуйся, Никоне, Церкви Российстей украшение.


Кондак 10


Спасти хотя святыни некия, удалился еси временне с братиею своею из обители и в изгнание, не престая с надеждою воспевати Богу: Аллилуиа!


Икос 10


Царь Превечный, Утешитель, Троица Пребожественная, не даде погибнути месту избранному и по удалению Эдигея с полчищами, превратившего всю обитель в развалины, возвратися преподобный с братиею и начат восставляти обитель своего чудного наставника. За сию ревность пламенную и за великое множество трудов твоих, приими, всеблаженне Никоне, песнь сию, тебе к возносимую: Радуйся, возлюбленное чадо Святыя Троицы. Радуйся, избранный сосуде Божественного промышления. Радуйся, многия скорби претерпевый. Радуйся, от них же Господом избавивыйся. Радуйся Никоне, Церкви Российстей украшение.


Кондак 11


Пение всеумиленное приносим тебе, преподобне, яко по триех летех через тя исполнишася пророческое проречение отца твоего духовного и обитель, яко крин, процвете на месте опустошения и все множество иноков воспеша благодарственную песнь Господу: Аллилуиа!


Икос 11


Светоподателя узрев в тебе Церковь Российская, яко сподобися обрести и на свещнице мира мощи святыя отца твоего Богоносного Сергия поставити, и над ними храм Живоначальней Троице воздвигнути, и живописью лучшею украсити его. За сия труды твоя приими от недостойных уст славословие: Радуйся, яко сподобился еси узрети и миру всему явити святаго тела Сергиева нетление. Радуйся, через сие громогласне проповедавый таинство воскресения. Радуйся, Пасху вечную миру явивый. Радуйся, строителю Церкви Божией и украсителю. Радуйся Никоне, Церкви Российстей украшение.


Кондак 12


Благодать подаждь ми Господи, да воспою достойно угодника Твоего, научающа всех пети: Аллилуиа!


Икос 12


Поюще житие твое, отче преподобие, восхваляем и скончание твое, како поучая братию «держати веру правую и житие благочестиво» умолк и в радости воскликнул еси: «Отнесите мя в храмину светлую, уготованную мне молитвами отца моего», и, оградив себя крестным знамением, душу свою Богу предал еси, тем же мы, вечно тебе благодарни суще, благоговейно поем: Радуйся, светильниче веры и благочестия. Радуйся, луче света невечернего. Радуйся, наследниче жизни вечныя. Радуйся, радосте наша и похваление. Радуйся Никоне, Церкви Российстей украшение.


Кондак 13


О, великий угодниче Божий, друже Сергиев и сожителю всем святым, не престай посещати нас, любовию поминающих тя, подавая требующим исцеление и миру всему утешение, да с радостию всегда вопием: Аллилуиа, Аллилуиа, Аллилуиа!

 

 

 

 

АКАФИСТ СВЯТОЙ РАВНОАПОСТОЛЬНОЙ НИНЕ,
ПРОСВЕТИТЕЛЬНИЦЕ ГРУЗИИ

 

 


Кондак 1


Избранную Божией Матерью и крепкую наставницу Иверии, светом Божественной веры ю просветившую, блаженную равноапостольную Нину ныне восхвалим, яко выну со дерзновением предстоящую и молящуюся за нас. Ты же, о, Нино всеблаженная, не престай молитися о нас, да со умилением благодарственно зовем ти: Радуйся, Нино, страны Иверския просветительнице.


Икос 1


Ангелов и человеков Творец, егда благоизволи призвати народ Иверский от тьмы идолослужения ко свету Истины и Правды вечныя, посла тя, проповедницу воли Своея. Тем же, благодаряще Господа, славословим тя, с веселием зовуще: Радуйся, равноапостольная Нино, ко просвещению народа Иверского премудрым Промыслом предизбранная. Радуйся, преславная, яко тобою имя Господне во всех концах земли Иверския прославляется. Радуйся, яко от всех родов христианских святое имя твое с любовию воспевается. Радуйся, от Матери Господа пронареченная. Радуйся, стране Иверской дарованная. Радуйся, Нино, страны Иверския просветительнице.


Кондак 2


Видя людей, кумирам служащих, яко голубица, воспарившая любовию своею, обратила еси их ко Творцу и, благодатию обновленнии, воспеша Богу с любовию: Аллилуиа!


Икос 2


Разумом Всевышний осени тя, егда предстала еси пред царем Мириамом, — отягченный слух его от гласа проповеди твоея открыся, омрачение ума рассеяся светом учения Христова, тобою возвещеннаго, тем же вопием ти: Радуйся, яко орел во очию твоею вообразившая страну Ивсрскую. Радуйся, святою ревностию ко Господу разжегшаяся. Радуйся, неоцененное сокровище страны Иверския. Радуйся, и в земле Российстей благоухающая. Радуйся, наставнице наша предобрая. Радуйся, рабо Христова прехвальная. Радуйся, Нино, страны Иверския просветительнице.


Кондак 3


Силою свыше умудренная, речи чуждых племен уразумела еси, прехвальная Нино, в видении Самого Господа узрела еси, тем же в земли неплодней, богомудрая дево, люди Иверския ко Христу привела еси, воспевая Богу песнь: Аллилуиа!


Икос 3


Имея в сердце своем веру твердую, на подвиг мужественно устремилася еси, мудрая благовестнице, тем же похвалами сими восхваляем тя: Радуйся, гласу Божественной благодати прилежно внимавшая. Радуйся, водительству Святаго Духа усердно последовавшая. Радуйся, яко со тщанием искала еси хитона Христова. Радуйся, пчело трудолюбивая, мудре взыскавшая цветы райския. Радуйся, Нино, страны Иверския просветительнице.


Кондак 4


Бурею недоумений не поколебалася еси, всемудрая дево, неверия плевелы исторгла еси, крестивши народы Иверския во Имя Троицы Безначальныя, да вси воспевают Богу песнь: Аллилуиа!


Икос 4


Слышаша царие и старейшины о вере истинней, с веселием востекоша ко Святому Крещению и отрекшеся от пути заблуждения, с радостию восхвалиша тя: Радуйся, яко святым заветам научила еси. Радуйся, яко Божественное семя всеяла в сердца наша. Радуйся, светильниче, светом веры просиявшая. Радуйся, народы Иверския ко Христу приведшая. Радуйся, Нино, страны Иверския просветительнице.


Кондак 5


Боготканную одежду святого Крещения людем иверским даровала еси, всю страну плодоносну сотворила еси, тем же благохвальнии людие от лет древних благочестно воспевают Богу: Аллилуиа!


Икос 5


Видевше людие чашу благодати, излияньми Духа Святаго о Церкви Иверския богатно растворенную, преславно торжествуют, на Вечерю вся верныя созывают с похвалами сими: Радуйся, Венцем Христовым венчанная. Радуйся, дарами духовными обогащенная. Радуйся, светом Господним вся озаренная. Радуйся, Нино, страны Иверския просветительнице.


Кондак 6


Пастыри и учители, их же призвала еси в землю Иверскую, со тщанием течаху на делание Божие, благодарственно поюще Призвавшему народ сей ко спасению Господу: Аллилуиа!


Икос 6


Возсия пречудный Свет Истины в душе народа Иверскаго, его же ощутивше, радостно и мы ублажаем тя: Радуйся, яко дивно житие твое. Радуйся, яко вожделенна память твоя. Радуйся, яко в духовней радости вси народы торжествуют. Радуйся, яко благословенно пришествие твое. Радуйся, яко вся нам бывает во благо с тобою. Радуйся, Нино, страны Иверския просветительнице.


Кондак 7


Хотя взыскати хитон Господень, страну Иверскую посетила еси, тем же и подвиг доблестный совершила еси, да вси людие, последующе стопам твоим, благочестно взывают Богу: Аллилуиа!


Икос 7


Ново творение во Христе яви Господь по святем Крещении люди своя: ревнителие бо первее бывше в идолослужении, последи выну по вере Христовой возревноваша вси, возлюбивше кротость и милосердие, воздержание и целомудрие и все житие по Господним заповедем. Чудящеся убо благому пременению сему, благочестно взываем: Радуйся, неустанная проповеднице. Радуйся, славы Божия ревнительнице. Радуйся, душ человеческих охранительнице. Радуйся, Нино, страны Иверския просветительнице.


Кондак 8


Странно бе, купно и радостнотворно видение, егда многочисленный сонм мужей и жен, юношей и дев, такожде и незлобивых младенцев с радостию крестися во Имя Отца и Сына и Святаго Духа, поя песнь: Аллилуиа!


Икос 8


Вся была объята радостию неизреченною, Нино достоблаженная, видя люди крещаемыя и в умилении сердца молила еси Господа, да призрит на новопросвещенных людей Своих и утвердит их в вере и благочестии. Воспомиинающе убо дивное чудо сие, приносим ти похвальная пения сицевая: Радуйся, виновнице спасения безчисленных душ в земле Иверской. Радуйся, неоскудеваемый источниче благословения и милостей Божих к народу сему. Радуйся, благая вертоградарнице, сад Божественныя веры насадившая. Радуйся, поточе сладости, напоившая водою благочестия люди Иверския. Радуйся, веру Божественную прославившая. Радуйся, прелесть идольскую посрамившая. Радуйся, Нино, страны Иверския просветительнице.


Кондак 9


Все естество Ангелов прослави тя, Нино богомудрая, егда увиде тя добрую наставницу веры Православныя, тем же и ныне призри на пастырей и учителей, матерем и отцам споспешествуй и ныне в научении, укрепи и наставь в трудах апостольских, да вси возрастают в вере Истинней, поюще Богу: Аллилуиа!


Икос 9


Витии многовещаннии не могут достойно изобразити величие дел твоих, водворила бо еси веру Божественную, избавила еси люди от вечныя погибели, открыла еси путь истинному просвещению, сего ради с благоговением зовем: Радуйся, истинного просвещения насадительнице. Радуйся, злых обычаев искоренительнице. Радуйся, святых храмов создательнице. Радуйся, всем чтущим тя верная заступнице. Радуйся, Нино, страны Иверския просветительнице.


Кондак 10


Спасти хотя люди от бездны погибели, подъяла еси труды попечения, обходя грады и веси земли Иверския, учила всех воспевати Единому Истинному Богу: Аллилуиа!


Икос 10


Стена твердая была еси во дни жития твоего всем притекающим к тебе, недуги душевныя и телесныя врачуя, всем молитвенница была еси. Тем же буди и нам щит необорим в нуждах и скорбех наших, да с любовию вопием ти: Радуйся, добрая наша молитвеннице. Радуйся, в бурях житейских охранительнице. Радуйся, скорая нам помощнице. Радуйся, вдов и сирот питательнице. Радуйся, Нино, страны Иверския просветительнице.


Кондак 11


Пение всеумиленное приими от нас, угоднице Божия, утверди веру Православную, искорени вся ереси и расколы, да вси единым сердцем и едиными устами поем Богу: Аллилуиа!


Икос 11


Светильниче пресветлый, сиянием своим всю страну Иверскую просветивший, разгони и ныне мрак искушений, укажи нам путь ко спасению, да прославляя тя, глаголем: Радуйся, просвещенная от незаходимого Солнца Правды. Радуйся, путеводительнице, правый путь к вечному спасению нам указующая. Радуйся, укрепление проповедников Православия. Радуйся, покровительнице благочестия. Радуйся, Нино, страны Иверския просветительнице.


Кондак 12


Благодать Пресвятаго Духа испроси нам, Нино преславная, да не бесплодна будет вера, в нас насажденная, но, да уклоняющеся от пути нечестия, достигнем вечнаго спасения, поюще во Свете лица Божия: Аллилуиа!


Икос 12


Поюще твоя премногая и славная деяния, явленная народу Иверскому, вси с любовию поем: Радуйся, несокрушимая наша оградо. Радуйся, древо райское. Радуйся, первостоятельнице святых жен. Радуйся, Апостолов сопрестольнице. Радуйся, яко на страну нашу всегда взираеши. Радуйся, яко благ временных и вечных нам ходатайствуеши. Радуйся, Нино, страны Иверския просветительнице.


Кондак 13


О, праведная Нино, святая, равноапостольная! Милостиво приими от нас благодарение сие и моли Всеблагаго Господа пробавити милость Свою на род христианский, утверди в правой вере и благочестии, храня от всех бед и зол, да сподобимся вечно купно с тобою воспевати: Аллилуиа, Аллилуиа, Аллилуиа!


Молитва


О, великая угодница Божия, богоизбранная и богопрославленная святая равноапостольная Нино! Услыши наши молитвы, приими и пение умиленное, умилостиви к нам Господа, не попусти нам, хвалы твоея ревнителем, во гресех погибнути, отжени от нас вся искушения, охраняй твоим заступлением, да всегда радостно воспоим: Радуйся, Нино достохвальная. Аминь.

 

 

 

АРХИЕПИСКОП НИКОН (АЛЕКСАНДР ПОРФИРЬЕВИЧ ПЕТИН; 1902–1956 ГГ.)

 

 

 

 

 

 

Andrew Blessed

Вступите в группу, и вы сможете просматривать изображения в полном размере

Это интересно
+1

22.08.2017 , обновлено  22.08.2017
Пожаловаться Просмотров: 2149  
←  Предыдущая тема Все темы Следующая тема →


Комментарии 0

Для того чтобы писать комментарии, необходимо