Открытая группа
1162 участника
Модератор Andrew Blessed

Активные участники:

Последние откомментированные темы:

20181117094104

←  Предыдущая тема Все темы Следующая тема →
пишет:

ЧТЕНИЕ ДВЕНАДЦАТИ ЕВАНГЕЛИЙ В ЧИСТЫЙ ЧЕТВЕРГ

 

 

ЧТЕНИЕ ДВЕНАДЦАТИ ЕВАНГЕЛИЙ В ЧИСТЫЙ ЧЕТВЕРГ

 

 

О чтении двенадцати Евангелий вечером в Великий Четверг

 

Общая схема богослужения Утрени Великой Пятницы.


Использованы материалы книг:

"Службы Страстной седмицы", "Молитвослов Великого поста", "Сборник церковных песнопений с переводом их на русский язык" и "Весна постная...".


Перевод антифонов и некоторых песнопений взят с сайта :

http://wertograd.narod.ru/triod/post7pt_u.htm 

 

   По Церковному Уставу Последование святых страстей должно начинаться в 8 часов вечера в Великий Четверг. По своей литургической форме это есть утреня Великой Пятницы с двенадцатью евангельскими чтениями, между которыми поются и читаются антифоны и располагается последование утрени. Содержание Евангелий и последования посвящено прощальной беседе Иисуса Христа со Своими учениками на Тайной Вечери, преданию Его Иудой, суду над Ним у первосвященников и Пилата, Его распятию и отчасти погребению. По времени эти события относятся к ночи с четверга на пятницу и ко дню Великой Пятницы до вечера ее.


   После шестопсалмия, тропаря «Егда славнии ученицы» и малой ектеньи молящиеся зажигают свечи и как бы вступают в глубокую тьму Гефсиманской ночи, окутывающей теперь мир. Начинается чтение двенадцати Евангелий. Это очень древний чин. В Иерусалимской церкви в первые века христианства Евангелие читали всю ночь в тех местах, где Господь учил Своих учеников перед страданиями – на Елеонской горе, где был взят под стражу – в Гефсимании, где был распят – на Голгофе. Ночью, переходя из одного навеки памятного места к другому, освещая каменистый путь светильниками, шли верующие но стопам Господа с молитвой.


   Двенадцать Евангелий составлены от четырех евангелистов. В промежутках между чтениями принято петь 15 антифонов, дополняющих и поясняющих течение евангельских событий. Верующие призываются Церковью пережить вместе со Христом события тех страшных часов, когда Спаситель молился Отцу Своему до кровавого пота... и не был услышан, то есть не получил того, что хотелось Ему как Человеку – избежать страдания. Молитву Свою Он завершил выражением полной преданности воле Отца: «но не как Я хочу, а как Ты...» Снова слушая слова Евангелия, верующие становятся как бы соучастниками событии, описанных в Евангелиях. Страдания Господа переживаются и становятся частью личного духовного опыта. Именно в сопереживании Христу смысл антифонов этой службы. Текст их составлен, вероятно, в V веке. Но еще раньше, во II веке исполнялось самое раннее из дошедших до нас памятников христианской литургической поэзии – поэма св.Мелитона Сардинского «О Пасхе». Текст ее лег в основу антифонов, которые пелись на протяжении 15 столетий, сначала в Византии, потом на Руси.


   По Церковному Уставу Последование святых страстей должно начинаться в 8 часов вечера. По своей литургической форме это есть утреня Великой пятницы с двенадцатью евангельскими чтениями, между которыми поются или читаются антифоны и располагается последование утрени. Содержание Евангелий и последования посвящено прощальной беседе Иисуса Христа со Своими учениками на Тайной Вечери, преданию Его Иудой, суду над Ним у первосвященников и Пилата, Его распятию и отчасти погребению. По времени эти события относятся к ночи с четверга на пятницу и ко дню Великой Пятницы до вечера ее.



   После благословения священника, обычного начала утрени, Шестопсалмия, краткой сугубой ектении с обычным возгласом: Яко подобает Тебе… поется во глас 8 Аллилуиа, со стихами, произносимыми диаконом или священником:


  1. От нощи утренюет дух мой к Тебе, Боже, зане свет – повеления Твоя на земли.

  2. Правде научитеся, живущии на земли.

  3. Зависть приимет люди ненаказанныя.

  4. Приложи им зла, Господи, приложи зла славным земли.


После каждого стиха поется: Аллилуиа (трижды)

 

   По Аллилуиа, в тот же глас трижды поется тропарь:


Егда славнии ученицы на умовении вечери просвещахуся, тогда Иуда злочестивый сребролюбием недуговав омрачашеся, и беззаконным судиям Тебе, Праведнаго Судию, предает. Виждь, имений рачителю, сих ради удавление употребивша! Бежи несытыя души, Учителю таковая дерзнувшия. Иже о всех Благий, Господи, слава Тебе.

 

   Во время пения Аллилуиа… и тропаря открываются царские врата; Святое Евангелие выносится на середину храма в преднесении свечей и полагается на аналое. Настоятель кадит Святое Евангелие, алтарь, иконостас, весь храм и молящихся.



По окончании пения тропаря – малая ектения:
 

Паки и паки… и возглас священника:


Яко Твоя держава, и Твое есть Царство, и сила, и слава, Отца, и Сына, и Святаго Духа, ныне и присно , и во веки веков.


Хор: Аминь.



Находящиеся в храме верующие держат в руках свечи, которые зажигают при чтении Евангелий.



Священник или диакон возглашает:
 И о сподобитися нам: слышанию Святаго Евангелия, Господа Бога молим.


Хор: Господи, помилуй (трижды).


Диакон: 
Премудрость, прости, услышим Святаго Евангелия чтение.


Священник: Мир всем.


Хор: И духови твоему.


Священник: От Иоанна Святаго Евангелия чтение.


Хор: Слава Тебе, Господи, слава Тебе.


Диакон: Вонмем.


   Таким образом предваряется чтение каждого Евангелия. В Церковном Уставе говорится, что первое страстное Евангелие читается настоятелем, а при чтении последующих священники чередуются в чтении один за другим. Во время чтения ударяют в колокол столько раз, какое по порядку Евангелие читается: при чтении первого Евангелия – один раз, второго а, третьего – три и т.д. По окончании чтения двенадцатого Евангелия бывает трезвон.

 

 

Первое Евангелие от Иоанна (XIII, 31 – XVIII, 1) это прощальная беседа Господа со Своими учениками.

ЕВАНГЕЛИЕ 1

От Иоанна, зачало 46—58

Рече Господь Своим учеником: ныне прославися Сын Человеческий, и Бог прославися о Нем. Аще Бог прославися о Нем, и Бог прославит Его в Себе, и абие прославит Его. Чадца, еще с вами мало есмь: взыщете Мене, и якоже рех иудеем, яко аможе Аз иду, вы не можете приити, и вам глаголю ныне. Заповедь новую даю вам, да любите друг друга: якоже возлюбих вы, да и вы любите себе. О сем разумеют вси, яко Мои ученицы есте, аще любовь имате между собою. Глагола Ему Симон Петр: Господи, камо идеши? отвеща ему Иисус: аможе Аз иду, не можеши ныне по Мне ити, последи же по Мне идеши. Глагола Ему Петр: Господи, почто не могу ныне по Тебе ити? Ныне душу мою за Тя положу. Отвеща ему Иисус: душу ли твою за Мя положиши? Аминь аминь глаголю тебе: не возгласит алектор, дондеже отвержешися Мене трищи.

 

Да не смущается сердце ваше: веруйте в Бога, и в Мя веруйте. В дому Отца Моего обители многи суть: аще ли же ни, рекл бых вам: иду уготовати место вам. И аще уготовлю место вам, паки прииду, и поиму вы к Себе: да идеже есмь Аз, и вы будете. И аможе Аз иду, весте, и путь весте. Глагола ему Фома: Господи, не вемы, камо идеши? и како можем путь ведети? Глагола ему Иисус: Аз есмь Путь и Истина, и Живот: никтоже приидет ко Отцу, токмо Мною. Аще Мя бысте знали, и Отца Моего знали бысте убо: и отселе познасте Его и видесте Его. Глагола Ему Филипп: Господи, покажи нам Отца и довлеет нам. Глагола ему Иисус: толико время с вами есмь, и не познал еси Мене, Филиппе! Видевый Мене, виде Отца: и како ты глаголеши, покажи нам Отца? Не веруеши ли, яко Аз во Отце, и Отец во Мне есть?

 

Глаголы, яже Аз глаголю вам, о Себе не глаголю: Отец же во Мне пребываяй, Той творит дела. Веруйте Мне, яко Аз во Отце и Отец во Мне: аще ли же ни, за та дела веру имите Ми. Аминь аминь глаголю вам: веруяй в Мя, дела, яже Аз творю, и той сотворит, и больша сих сотворит, яко Аз ко Отцу Моему гряду. И еже аще что просите от Отца о имени Моем, то сотворю: да прославится Отец в Сыне. И аще чесо просите во имя Мое, Аз сотворю. Аще любите Мя, заповеди Моя соблюдите. И Аз умолю Отца, и иного Утешителя даст вам, да будет с вами в век: Дух истины, Егоже мир не может прияти, яко не видит Его, ниже знает Его: вы же знаете Его, яко в вас пребывает и в вас будет. Не оставлю вас сиры, прииду к вам. Еще мало, и мир ктому не видит Мене, вы же видите Мя: яко Аз живу, и вы живи будете. В той день разумеете вы, яко Аз во Отце Моем, и вы во Мне, и Аз в вас.

 

 

 

Имеяй заповеди Моя и соблюдаяй их, той есть любяй Мя, а любяй Мя, возлюблен будет Отцем Моим, и Аз возлюблю его, и явлюся ему Сам. Глагола Ему Иуда не Искариотский: Господи, и что бысть, яко нам хощеши явитися, а не мирови? Отвеща Иисус, и рече ему: аще кто любит Мя, слово Мое соблюдет: и Отец Мой возлюбит его, и к нему приидема, и обитель у него сотворима. Не любяй Мя, словес Моих не соблюдает: и слово, еже слышасте, несть Мое, но пославшаго Мя Отца. Сия глаголах вам, в вас сый. Утешитель же Дух Святый, Егоже послет Отец во имя Мое, Той вы научит всему, и воспомянет вам вся, яже рех вам. Мир оставляю вам, мир Мой даю вам: не якоже мир дает, Аз даю вам.

 

Да не смущается сердце ваше, ни устрашает. Слышасте, яко Аз рех вам: иду и прииду к вам. Аще бысте любили Мя, возрадовалися бысте убо, яко рех, иду ко Отцу: яко Отец Мой 6олий Мене есть. И ныне рех вам, прежде даже не будет, да егда будет, веру имете. Ктому не много глаголю с вами: грядет бо сего мира князь, и во Мне не имать ничесоже. Но да разумеет мир, яко люблю Отца, и якоже заповеда Мне Отец, тако творю: востаните, идем отсюду. Аз есмь Лоза истинная, и Отец Мой делатель есть. Всяку розгу о Мне не творящую плода, измет ю: и всяку творящую плод отребит ю, да множайший плод принесет. Уже вы чисти есте за слово, еже глаголах вам. Будите во Мне, и Аз в вас: якоже розга не может плода сотворити о себе, аще не будет на лозе, тако и вы, аще во Мне не пребудете. Аз есмь Лоза, вы же рождие: и иже будет во Мне, и Аз в нем, той сотворит плод мног: яко без Мене не можете творити ничесоже. Аще кто во Мне не пребудет, извержется вон якоже розга, и изсышет и собирают ю, и во огнь влагают, и сгарает. Аще пребудете во Мне, и глаголы Мои в вас пребудут: емуже аще хощете просите, и будет вам.. О сем прославися Отец Мой, да плод мног сотворите, и будете Мои ученицы.

 

Якоже возлюби Мя Отец, и Аз возлюбих вас, будите в любви Моей. Аще заповеди Моя соблюдете, пребудете в любви Моей: якоже Аз заповеди Отца Моего соблюдох, и пребываю в Его любви. Сия глаголах вам, да радость Моя в вас будет, и радость ваша исполнится. Сия есть заповедь Моя, да любите друг друга, якоже возлюбих вы. Больши сея любве никтоже имать, да кто душу свою положит за други своя. Вы друзи Мои есте, аще творите, елика Аз заповедаю вам. Не ктому вас глаголю рабы, яко раб не весть, что творит господь его: вас же рекох други, яко вся, яже слышах от Отца Моего, сказах вам. Не вы Мене избрасте, но Аз избрах вас, и положих: да вы идете, и плод принесете, и плод ваш пребудет: да егоже аще просите от Отца во имя Мое, даст вам.

 

Си заповедаю вам, да любите друг друга. Аще мир вас ненавидит, ведите, яко Мене прежде вас возненавиде. Аще от мира бысте были, мир убо свое любил бы: якоже от мира несте, но Аз избрах вы от мира, сего ради ненавидит вас мир. Поминайте слово, еже Аз рех вам: несть раб болий господа своего. Аще Мене изгнаша, и вас изженут: аще слово Мое соблюдоша, и ваше соблюдут. Но сия вся творят вам за имя Мое, яко не ведят Пославшаго Мя. Аще не бых пришел, и глаголал им, греха не быша имели: ныне же вины не имут о гресе своем. Ненавидяй Мене, и Отца Моего ненавидит. Аще дел не бых сотворил в них, ихже ин никтоже сотвори, греха не быша имели: ныне же и видеша, и возненавидеша Мене и Отца Моего. Но да сбудется слово писанное в законе их: яко возненавидеша Мя туне. Егда же приидет Утешитель, Егоже Аз послю вам от Отца, Дух истины, Иже от Отца исходит, Той свидетельствует о Мне. И вы же свидетельствуете, яко искони со Мною есте.

 

 

 

Сия глаголах вам, да не соблазнитеся. От сонмищ ижденут вы. Но приидет час, да всяк, иже убиет вы, мнится службу приносити Богу. И сия сотворят, яко не познаша Отца, ни Мене. Но сия глаголах вам, да егда приидет час, поминайте се, яко Аз рех вам: сих же вам исперва не рех, яко с вами бех. Ныне же иду к Пославшему Мя, и никтоже от вас вопрошает Мене: камо идеши? Но яко сия глаголах вам, скорби исполних сердца ваша. Но Аз истину вам глаголю: уне есть вам, да Аз иду. Аще бо не иду Аз, Утешитель не приидет к вам: аще ли же иду, послю Его к вам. И пришед Он, обличит мир о гресе, и о правде, и о суде. О гресе убо, яко не веруют в Мя. О правде же, яко ко Отцу Моему иду, и ктому не видите Мене. О суде же, яко князь мира сего осужден бысть. Еще много имам глаголати вам, но не можете носити ныне. Егда же приидет Он, Дух истины, наставит вы на всяку истину. Не о Себе бо глаголати имать, но елика аще услышит, глаголати имать, и грядущая возвестит вам. Он Мя прославит, яко от Моего приимет, и возвестит вам.

 

Вся, елика имать Отец, Моя суть: сего ради рех, яко от Моего приимет, и возвестит вам. Вмале, и ктому не видите Мене, и паки вмале, и узрите Мя, яко иду ко Отцу. Реша же от ученик Его к себе: что есть сие, еже глаголет нам: вмале, и не видите Мене, и паки вмале, и узрите Мя? и яко Аз иду ко Отцу? Глаголаху убо, что сие есть еже глаголет: вмале? Не вемы, что глаголет. Разуме же Иисус, яко хотяху Его вопрошати, и рече им: о сем ли стязаетеся между собою, яко рех: вмале, и не видите Мене? и паки вмале, и узрите Мя? Аминь аминь глаголю вам, яко восплачетеся и возрыдаете вы, а мир возрадуется: вы же печальни будете, но печаль ваша в радость будет. Жена, егда раждает, скорбь имать, яко прииде год ея: егда же родит отроча, ктому не помнит скорби за радость, яко родися человек в мир. И вы же печаль имате убо ныне: паки же узрю вы, и возрадуется сердце ваше, и радости вашея никтоже возмет от вас: И в той день Мене не вопросите ничесоже.

 

Аминь аминь глаголю вам: яко елика аще чесо просите от Отца во имя Мое, даст вам. Доселе не просисте ничесоже во имя Мое. Просите, и приимите, да радость ваша исполнена будет. Сия в притчах глаголах вам: но приидет час, егда ктому в притчах не глаголю вам, но яве о Отце возвещу вам. В той день во имя Мое вопросите: и не глаголю вам, яко Аз умолю Отца о вас. Сам бо Отец любит вы, яко вы Мене возлюбисте, и веровасте, яко Аз от Бога изыдох. Изыдох от Отца, и приидох в мир: и паки оставляю мир, и иду ко Отцу. Глаголаша Ему ученицы Его: се ныне не обинуяся глаголеши, а притчи никоеяже не глаголеши. Ныне вемы, яко веси вся, и не требуеши, да кто Тя вопрошает: о сем веруем, яко от Бога изшел еси. Отвеща им Иисус: ныне ли веруете? Се грядет час, и ныне прииде, да разыдется кождо во своя, и Мене единаго оставите: и несмь един, яко Отец со Мною есть. Сия глаголах вам, да во Мне мир имате. В мире скорбни будете: но дерзайте, яко Аз победих мир.

 

Сия глагола Иисус, и возведе очи Свои на небо, и рече: Отче, прииде час, прослави Сына Твоего, да и Сын Твой прославит Тя. Якоже дал еси Ему власть всякия плоти, да всяко еже дал еси Ему, даст им живот вечный. Се же есть живот вечный, да знают Тебе единаго истиннаго Бога, и Егоже послал еси Иисус Христа. Аз прославих Тя на земли, дело соверших, еже дал еси Мне да сотворю. И ныне прослави Мя Ты, Отче, у Тебе Самаго славою, юже имех у Тебе прежде мир не бысть. Явих имя Твое человеком, ихже дал еси Мне от мира: Твои беша, и Мне их дал еси, и слово Твое сохраниша. Ныне разумеша, яко вся, елика дал еси Мне, от Тебе суть. Яко глаголы, ихже дал еси Мне, дах им: и тии прияша, и разумеша воистинну, яко от Тебе изыдох, и вероваша, яко Ты Мя посла. Аз о сих молю: не о всем мире молю, но о тех, ихже дал еси Мне, яко Твои суть. И Моя вся, Твоя суть и Твоя Моя: и прославихся в них. И ктому несмь в мире, и сии в мире суть, и аз к Тебе гряду. Отче Святый, соблюди их во имя Твое, ихже дал еси Мне, да будут едино якоже и Мы. Егда бех с ними в мире, Аз соблюдах их во имя Твое, ихже дал еси Мне, сохраних, и никтоже от них погибе, токмо сын погибельный, да сбудется Писание. Ныне же к Тебе гряду, и сия глаголю в мире, да имут радость Мою исполнену в себе. Аз дах им слово Твое, и мир возненавиде их, яко не суть от мира, якоже и Аз от мира несмь. Не молю, да возмеши их от мира, но да соблюдеши их от неприязни. От мира не суть, якоже и Аз от мира несмь. Святи их во истину Твою: слово Твое истина есть.

 

Якоже Мене послал еси в мир, и Аз послах их в мир. И за них Аз свящу Себе, да и тии будут священи во истину. Не о сих же молю токмо, но и о верующих словесе их ради в Мя. Да вси едино суть, якоже Ты, Отче, во Мне, и Аз в Тебе, да и тии в Нас едино будут: да и мир веру имет, яко Ты Мя послал еси. И Аз славу, юже дал еси Мне, дах им: да будут едино, якоже Мы едино есма. Аз в них, и Ты во Мне, да будут свершени во едино, и да разумеет мир, яко Ты Мя посла, и возлюбил еси их, якоже Мене возлюбил еси. Отче, ихже дал еси Мне, хощу, да идеже есмь Аз, и тии будут со Мною, да видят славу Мою, юже дал еси Мне, яко возлюбил Мя еси прежде сложения мира. Отче Праведный, и мир Тебе не позна, Аз же Тя познах, и сии познаша, яко Ты Мя посла. И сказах им имя Твое, и скажу: да любы, еюже Мя еси возлюбил, в них будет, и Аз в них. И сия рек Иисус, изыде со ученики Своими на он пол потока Кедрска, идеже бе вертоград, в оньже вниде Сам и ученицы Его.

 

 

 

Завершается оно, как и все другие, пением: Слава долготерпению Твоему, Господи.

Вслед за этим поются антифоны.

 

 

Антифон 1-й, гл. 8


Князи людстии собрашася на Господа и на Христа Его.
Слово законопреступное возложиша на Мя. Господи, Господи, не остави Мене.
Чувствия наша чиста Христови представим, и яко друзи Его, души наша пожрем Его ради, и не попеченьми житейскими соугнетаемся яко Иуда, но в клетех наших возопиим: Отче наш, иже на небесех, от лукаваго избави нас!


Слава…


Богородичен: 

Дева родила еси Неискусобрачная, и Дева пребыла еси Мати Безневестная, Богородице Марие: Христа Бога нашего моли спастися нам.

 

Антифон 2-й, гл. 6

 


Тече глаголя Иуда беззаконным книжником: что мне хощете дати, и аз вам предам Его? Среди же совещавающих Сам стоял еси невидимо Совещаваемый; Сердцеведче, пощади души наша.
Милостию Богови послужим, якоже Мария на вечери, и не стяжим сребролюбия, яко Иуда; да всегда со Христом Богом будем.


Слава…


Богородичен: 

Егоже родила еси, Дево, неизреченно, выну яко Человеколюбца не престай молящи, да от бед спасет вся к Тебе прибегающия.

 

Антифон 3-й, гл. 2

 


Лазарева ради востания, Господи, осанна Тебе зваху дети еврейския, Человеколюбче. Беззаконный же Иуда не восхоте разумети.


На вечери Твоей, Христе Боже, учеником Твоим предглаголал еси: един от вас предаст Мя. Беззаконный же Иуда не восхоте разумети.


Иоанну вопросившу: Господи, предаяй Тя кто есть? того хлебом показал еси. Беззаконный же Иуда не восхоте разумети.


На тридесятих сребреницех, Господи, и на лобзании льстивном, искаху Иудее убити Тя. Беззаконный же Иуда не восхоте разумети.


На умовении Твоем, Христе Боже, учеником Твоим повелел еси: сице творите, якоже видите. Беззаконный же Иуда не восхоте разумети.


Бдите и молитеся, да не внидете в напасть, учеником Твоим, Христе Боже наш, глаголал еси. Беззаконный же Иуда не восхоте разумети.


Слава…


Богородичен: 

Спаси от бед рабы Твоя, Богородице, яко все по Бозе к Тебе прибегаем, яко нерушимой стене и предстательству.


   После малой ектений, возгласа поется седален, гл. 7:


На вечери ученики питая, и притворение предания ведый, на ней Иуду обличил еси, неисправленна убо сего ведый; познати же всем хотя, яко волею предался еси, да мир исхитиши от чуждаго: Долготерпеливе, слава Тебе.

 

 

 

Второе Евангелие от Иоанна (XVIII, 1–28) о взятии Христа в саду Гефсиманском, о допросе у первосвященника, об отречении Петра.

 

ЕВАНГЕЛИЕ 2.

От Иоанна, зачало 58.

Во время оно, изыде Иисус со ученики Своими на он пол потока Кедрска, идеже бе вертоград, воньже вниде Сам и ученицы Его. Ведяше же Иуда предаяй Его место: яко множицею собирашеся Иисус ту со ученики Своими. Иуда же прием спиру, и от архиерей и фарисей слуги, прииде тамо со светилы и свещами и оружии. Иисус же ведый вся грядущая Нань, изшед рече им: кого ищете?

Отвещаша Ему: Иисуса Назореа. Глагола им Иисус: Аз есмь. Стояше же и Иуда, иже предаяше Его, с ними. Да якоже рече им, Аз есмь, идоша вспять, и падоша на земли. Паки же вопроси их Иисус: кого ищете? они же реша: Иисуса Назорея. Отвеща Иисус: рех вам, яко Аз есмь. Аще убо Мене ищете, оставите сих ити. Да сбудется слово, еже рече: яко ихже дал еси Мне, не погубих от них никогоже. Симон же Петр, имый нож, извлече его и удари архиереова раба, и уреза ему ухо десное: бе же имя рабу Малх. Рече же Иисус Петрови: вонзи нож в ножницу. Чашу юже даст Мне Отец, не имам ли пити ей? Спира же и тысящник, и слуги иудейския яша Иисуса, и связаша Его. И ведоша Его ко Анне первее: бе бо тесть Каиафе, иже бе архиерей лету тому. Бе же Каиафа давый совет иудеем, яко уне есть единому человеку умрети за люди. По Иисусе же идяше Симон Петр, и другий ученик: ученик же той бе знаемь архиереови, и вниде со Иисусом во двор архиереов. Петр же стояше при дверех вне. Изыде убо ученик той, иже бе знаемь архиереови, и рече двернице, и введе Петра. Глагола же раба дверница Петрови: еда и ты ученик еси Человека Сего? Глагола он: несмь. Стояху же раби и слуги огнь сотворше, яко зима бе, и греяхуся, бе же с ними Петр стоя и греяся. Архиерей же вопроси Иисуса о ученицех Его, и о учении Его. Отвеща ему Иисус: Аз не обинуяся глаголах миру: Аз всегда учах на сонмищих, и в церкви, идеже всегда иудее снемлются: и тай не глаголах ничесоже. Что Мя вопрошаеши? Вопроси слышавших, что глаголах им: се сии ведят, яже рех Аз. Сия же рекшу Ему, един от предстоящих слуг удари в ланиту Иисуса, рек: тако ли отвещаваеши архиереови? Отвеща ему Иисус: аще зле глаголах, свидетельствуй о зле: аще ли добре, что Мя биеши? Посла же Его Анна связана к Каиафе архиереови. Бе же Симон Петр стоя и греяся. Реша же ему: еда и ты от ученик Его еси? Он же отвержеся, и рече: несмь. Глагола един от раб архиереов, южика сый, емуже Петр уреза ухо: не аз ли тя видех в вертограде с Ним? Паки убо Петр отвержеся, и абие петел возгласи.

Ведоша же Иисуса от Каиафы в претор, бе же утро: и тии не внидоша в претор, да не осквернятся, но да ядят пасху.

 

 

Антифон 4-й, гл. 5

 


Днесь Иуда оставляет Учителя и приемлет диавола, ослепляется страстию сребролюбия, отпадает света омраченный. Како бо можаше зрети, Светило продавый на тридесятих сребреницех? Но нам возсия Страдавый за мир, к Немуже возопиим: пострадавый и сострадавый человеком, Господи, слава Тебе.


Днесь Иуда притворяет благочестие и отчуждается дарования, сый ученик бывает предатель; во обычном лобзании лесть покрывает, и предпочитает Владычния любве, несмысленно работати сребролюбию, наставник быв соборища беззаконнаго; мы же имуще спасение Христа, Того прославим.



Глас 1. Братолюбие стяжим яко во Христе братия, а не немилостивное еже к ближним нашим: да не яко раб осудимся немилостивый, пенязей ради, и яко Иуда раскаявшеся, ничтоже пользуемся.


Слава…


Богородичен: 

Преславная о Тебе глаголашася везде, яко родила еси плотию всех Творца, Богородице Марие, Всепетая и Неискусобрачная.

 

 

Антифон 5-й, гл. 6

 


Ученик Учителя соглашаше цену и на тридесятих сребреницех продаде Господа, лобзанием льстивным предая Его беззаконником на смерть.
Днесь глаголаше Зиждитель небесе и земли Своим учеником: приближися час, и приспе Иуда предаяй Мене; да никтоже отвержется Мене, зря Мене на Кресте посреде двою разбойнику, стражду бо яко человек, и спасу яко Человеколюбец в Мя верующия.


Слава…


Богородичен: 

Неизреченно в последняя заченшая и рождшая Создателя Твоего, Того моли спастися душам нашим.

Антифон 6-й, гл. 7

 


Днесь бдит Иуда предати Господа, Превечнаго Спаса мира, Иже от пяти хлеб насытившаго множества. Днесь беззаконный отметается Учителя, ученик быв, Владыку предаде, сребром продаде, манною насытившаго человека.
Днесь Кресту пригвоздиша иудее Господа, пресекшаго море жезлом и проведшаго их в пустыню. Днесь копием ребра Его прободоша, язвами ранившаго их ради Египта; и желчию напоиша, манну пищу им одождившаго.
Господи, на страсть вольную пришед, вопиял еси учеником Твоим: аще и единаго часа не возмогосте бдети со Мною, како обещастеся умрети Мене ради? Поне Иуду зрите, како не спит, но тщится предати Мя беззаконным. Востаните, молитеся, да не кто Мене отвержется, зря Мене на Кресте. Долготерпеливе, слава Тебе.


Слава…


Богородичен: 

Радуйся, Богородице, Невместимаго в небесех вместившая во утробе Твоей. Радуйся, Дево, пророков проповедание, Еюже нам возсия Еммануил; радуйся, Мати Христа Бога.


   После малой ектении и возгласа священника поется седален, гл.7:


Кий тя образ, Иудо, предателя Спасу содела? Еда от лика тя апостольска разлучи? Еда дарования исцелений лиши? Еда со онеми вечеряв, тебе от трапезы отрину? Еда иных ноги умыв, твои же презре? О коликих благ непамятлив был еси! И твой убо неблагодарный обличается нрав. Того же безмерное проповедуется долготерпение и велия милость.

 

 

 

Третье Евангелие от Матфея (XXVI, 57–75) о суде над Господом у Каиафы, о решении Синедриона предать Христа смерти, об отречении Петра.

 

 

ЕВАНГЕЛИЕ 3

От Матфея, начало 109

Во время оно, воини емше Иисуса ведоша к Каиафе архиереови, идеже книжницы и старцы собрашася. Петр же идяше по Нем издалеча, до двора архиереова: и вшед внутрь, седяше со слугами, видети кончину. Архиерее же и старцы, и сонм весь искаху лжесвидетельства на Иисуса, яко да убиют Его. И не обретаху: и многим лжесвидетелем приступльшим, не обретоша. Послежде же приступиша два лжесвидетеля, реста: Сей рече: могу разорити церковь Божию, и треми деньми создати ю. И востав архиерей рече Ему: ничесоже ли отвещаваеши, что сии на Тя свидетельствуют? Иисус же молчаше. И отвещав архиерей рече Ему: заклинаю Тя Богом Живым, да речеши нам, аще Ты еси Христос Сын Божий? Глагола ему Иисус: ты рече. Обаче глаголю вам: отселе узрите Сына Человеческаго седяща одесную силы, и грядуща на облацех небесных. Тогда архиерей растерза ризы своя, глаголя: яко хулу глагола, что еще требуем свидетелей? Се ныне слышасте хулу Его. Что ся вам мнит? Они же отвещавше реша: повинен есть смерти. Тогда заплеваша лице Его, и пакости Ему деяху, овии же за ланиту удариша, глаголюще: прорцы нам, Христе: кто есть ударей Тя? Петр же вне седяше во дворе, и приступи к нему едина рабыня, глаголющи: и ты бе со Иисусом Галилейским. Он же отвержеся пред всеми, глаголя: не вем что глаголеши. Изшедшу же ему ко вратом, узре его другая, и глагола им ту: и сей бе со Иисусом Назореом. И паки отвержеся с клятвою, яко не знаю Человека. По мале же приступивше стоящии, реша Петровы: воистинну и ты от них еси, ибо беседа твоя яве тя творит. Тогда начат ротитися и клятися, яко не знаю Человека. И абие петел возгласи. И помяну Петр глагол Иисусов, реченный ему, яко прежде даже петел не возгласит, трикраты отвержешися Мене: и изшед вон, плакася горько.

 

 

Антифон 7-й, гл. 8

 


Емшим Тя беззаконным, претерпевая, сице вопиял еси, Господи: аще и поразисте Пастыря и расточисте дванадесять овец, ученики Моя, можах вящше, нежели дванадесять легеонов представити Ангелов. Но долготерплю, да исполнятся, яже явих вам пророки Моими, безвестная и тайная: Господи, слава Тебе.
Трищи отвергся Петр, абие реченное ему разуме, но принесе к Тебе слезы покаяния: Боже, очисти мя и спаси мя.


Слава…


Богородичен: 

Яко врата спасительная и рай красный, и Света присносущнаго облак, сущую Святую Деву воспоим вси, глаголюще Ей, еже радуйся.

 

Антифон 8-й, гл. 2

 


Рцыте, беззаконнии, что слышасте от Спаса нашего? Не закон ли положи и пророческая учения? Како убо помыслисте Пилату предати, Иже от Бога, Бога Слова и Избавителя душ наших?


Да распнется, вопияху Твоих дарований присно наслаждающиися, и злодея вместо Благодетеля прошаху прияти, праведников убийцы; молчал же еси, Христе, терпя их суровство, пострадати хотя и спасти нас, яко Человеколюбец.



Слава…


Богородичен: 

Яко не имамы дерзновения за премногия грехи наша, Ты, Иже от Тебе Рождшагося, моли, Богородице Дево: много бо может моление Матернее ко благосердию Владыки. Не презри грешных мольбы, Всечистая, яко Милостив есть и спасти могий, Иже и страдати о нас изволивый.

 

Антифон 9-й, гл. 3


Поставиша тридесять сребреников цену Цененаго, Егоже оцениша от сынов Израилевых. Бдите и молитеся, да не внидете во искушение; дух убо бодр, плоть же немощна; сего ради бдите.
Даша в снедь Мою желчь, и в жажду Мою напоиша Мя оцта; Ты же, Господи, возстави мя, и воздам им.



Слава…


Богородичен: 

Иже от язык поем Тя, Богородице Чистая, яко Христа Бога нашего родила еси, от клятвы человеки Тобою свобождшаго.
(Мы, призванные от народов, воспеваем Тебя, Богородица чистая, ибо Ты родила Христа Бога нашего, от проклятия людей чрез Тебя освободившего.)



   После ектений и возгласа – седален, гл. 8:


О како Иуда иногда Твой ученик, предательству поучашеся на Тя, свечеря льстивно, наветник и неправедник? Шед, рече священником: что ми подаете и предам вам Онаго, закон разорившаго и осквернившаго субботу? Долготерпеливе Господи, слава Тебе.

 

 

 

Четвертое Евангелие от Иоанна (XVIII, 28; XIX, 1–16) допрос у Пилата, требование отпустить Варраву вместо Христа, хотя Пилат пробует доказать Его невинность. Бичевание Христа и согласие Пилата отдать народу Господа для распятия.

 

 

ЕВАНГЕЛИЕ 4.

От Иоанна, зачало 59—60.

Во время оно, ведоша Иисуса от Каиафы в претор: бе же утро: и тии не внидоша в претор, да не осквернятся, но да ядят пасху. Изыде же Пилат к ним вон, и рече: кую речь приносите на Человека Сего? Отвещаша и реша ему: аще не бы был Сей злодей, не быхом предали Его тебе. Рече же им Пилат: поимите Его вы, и по закону вашему судите Ему. Реша же ему иудее: нам не достоит убити никогоже. Да слово Иисусово сбудется, еже рече, назнаменуя, коею смертию хотяше умрети. Вниде же паки Пилат в претор, и гласи Иисуса, и рече Ему: Ты ли еси Царь Иудейск? Отвеща ему Иисус: о себе ли ты сие глаголеши, или инии тебе рекоша о Мне? Отвеща Пилат: еда аз жидовин есмь? Род Твой и архиерее предаша Тя мне, что еси сотворил? Отвеща Иисус: Царство Мое несть от мира сего. Аще от мира сего было бы Царство Мое, слуги Мои убо подвизалися быша, да не предан бых был иудеем: ныне же Царство Мое несть отсюду. Рече же Ему Пилат: убо Царь ли еси Ты? Отвеща Иисус: ты глаголеши, яко Царь есмь Аз. Аз на сие родихся, и на сие приидох в мир, да свидетельствую истину, и всяк, иже есть от истины, послушает гласа Моего. Глагола Ему Пилат: что есть истина? И сие рек, паки изыде ко иудеем, и глагола им: аз ни единыя вины обретаю в Нем. Есть же обычай вам, да единаго вам отпущу на Пасху: хощете ли убо, да отпущу вам Царя Иудейска? Возопиша же паки вси, глаголюще: не Сего, но Варавву: бе же Варавва разбойник.

Тогда убо Пилат поят Иисуса, и би Его. И воини сплетше венец от терния, возложиша Ему на главу, и в ризу багряну облекоша Его, и глаголаху: радуйся, Царю Иудейский! И бияху Его по ланитома. Изыде же паки вон Пилат, и глагола им: се извожу Его вам вон, да разумеете, яко в Нем ни единыя вины обретаю. Изыде же вон Иисус, нося терновен венец и багряну ризу. И глагола им: Се Человек. Егда же видеша Его архиерее и слуги, возопиша глаголюще: распни, распни Его. Глагола им Пилат: поимите Его вы, и распните, аз бо не обретаю в Нем вины. Отвещаша ему иудее: мы закон имамы, и по закону нашему должен есть умрети, яко Себе Сына Божия сотвори. Егда же слыша Пилат сие слово, паче убояся. И вниде в претор паки, и глагола Иисусови: откуду еси Ты? Иисус же ответа не даде ему. Глагола же Ему Пилат: мне ли не глаголеши? Не веси ли, яко власть имам распяти Тя, и власть имам пустити Тя? Отвеща Иисус: не имаши власти ни единыя на Мне, аще не бы ти дано свыше: сего ради предавый Мя тебе 6олий грех имать. От сего искаше Пилат пустити Его. Иудее же вопияху, глаголюще: аще Сего пустиши, неси друг кесарев. Всяк, иже царя себе творяй, противится кесарю. Пилат же, слышав сие слово, изведе вон Иисуса, и седе на судищи, на месте глаголемем Лифостротон, еврейски же Гаввафа. Бе же пяток Пасце, час же яко шестый: и глагола иудеем: Се Царь ваш. Они же вопияху: возми возми, распни Его. Глагола им Пилат: Царя ли вашего распну? Отвещаша архиерее: не имамы царя, токмо кесаря. Тогда же предаде Его им, да распнется.

 

Антифон 10-й, гл. 6

 


Одеяйся светом, яко ризою, наг на суде стояще, и в ланиту ударение прият от рук, ихже созда; беззаконнии же людие на Кресте пригвоздиша Господа Славы; тогда завеса церковная раздрася, солнце померче, не терпя зрети Бога досаждаема, Егоже трепещут всяческая. Тому поклонимся.


Ученик отвержеся, разбойник возопи: помяни мя, Господи, во Царствии Твоем.

 

Слава…


Богородичен: 

Умири мир, от Девы изволивый, Господи, плоть носити за рабы, да согласно Тебе славословим, Человеколюбче.

 

 

Антифон 11-й, гл. 6


За благая, яже сотворил еси, Христе, роду еврейскому, распяти Тя осудиша, оцта и желчи напоивше Тя. Но даждь им, Господи, по делом их, яко не разумеша Твоего снизхождения.


О предательстве не довольни быша, Христе, роди еврейстии, но покиваху главами своими, хулу и ругание приносяще. Но даждь им, Господи, по делом их, яко не разумеша Твоего смотрения.


Ниже земля яко потрясеся, ниже камение яко разседеся, евреов увещаша, ниже церковная завеса, ниже мертвых воскресение. Но даждь им, Господи, по делом их, яко тщетным на Тя поучишася.

 


Слава…


Богородичен: 

Бога от Тебе воплощеннаго познахом, Богородице Дево, Едина Чистая, Едина Благословенная: тем непрестанно Тя, воспевающе, величаем.

 

Антифон 12-й, гл. 8

 


Сия глаголет Господь иудеом: людие Мои, что сотворих вам? Или чим вам стужих? Слепцы ваши просветих, прокаженныя очистих, мужа, суща на одре, возставих.

 

Людие Мои, что сотворих вам, и что Ми воздасте? За манну желчь; за воду оцет; за еже любити Мя, ко Кресту Мя пригвозидисте. Ктому не терплю прочее, призову Моя языки, и тии Мя прославят со Отцем и Духом, и Аз им дарую живот вечный.


Днесь церковная завеса на обличение беззаконных раздирается, и солнце лучи своя скрывает, Владыку зря распинаема.


Законоположницы Израилевы, иудее и фарисее, лик апостольский вопиет к вам: се Храм, Егоже вы разористе, се Агнец, Егоже вы распясте и гробу предасте; но властию Своею воскресе. Не льститеся, иудее; Той бо есть, Иже в мори спасый и в пустыни питавый; Той есть Живот, и Свет, и Мир мирови.




Слава…


Богородичен: 

Радуйся, врата Царя Славы, яже Вышний Един пройде и паки запечатленна остави, во спасение душ наших.



   Ектения, возглас и седален, гл. 8:


Егда предстал еси Каиафе, Боже, и предался еси Пилату, Судие, небесныя силы от страха поколебашася. Егда же вознеслся еси на древо посреде двою разбойнику, вменился еси с беззаконными, Безгрешне, за еже спасти человека; Незлобиве Господи, слава Тебе.

 

 

Пятое Евангелие (XXVII, 3–32) о самоубийстве Иуды, о суде Пилата и его «умовении рук», издевательствах воинов, пути к Голгофе.

 

ЕВАНГЕЛИЕ 5

От Матфея, зачало 111—112

Во время оно, видев Иуда предавый Иисуса, яко осудиша Его, раскаявся возврати тридесять сребреники архиереем и старцем, глаголя: согреших, предав кровь неповинную. Они же реша: что есть нам? Ты узриши. И поверг сребреники в церкви, отыде, и шед удавися. Архиерее же приемше сребреники, реша: недостойно есть вложити их в корвану: понеже цена крове есть. Совет же сотворше, купиша ими село скудельниче, в погребание странным. Темже наречеся село то, Село Крове, до сего дне. Тогда сбыстся реченное Иеремием пророком глаголющим: и прияша тридесять сребреник цену Цененнаго, Егоже цениша от сынов Израилев: И даша я на селе скудельничи, якоже сказа мне Господь. Иисус же ста пред игемоном, и вопроси Его игемон, глаголя: Ты ли еси Царь Иудейский? Иисус же рече ему: ты глаголеши. И егда Нань глаголаху архиерее и старцы, ничесоже отвещаваше. Тогда глагола Ему Пилат: не слышиши ли, колико на Тя свидетельствуют? И не отвеща ему ни к единому глаголу: яко дивитися игемону зело. На всяк же праздник обычай бе игемону отпущати единаго народу связня, егоже хотяху. Имяху же тогда связана нарочита, глаголемаго Варавву. Собранным же им, рече им Пилат: кого хощете от обою отпущу вам, Варавву ли, или Иисуса глаголемаго Христа? Ведяше бо, яко зависти ради предаша Его. Седящу же ему на судищи, посла к нему жена его, глаголющи: ничтоже тебе, и Праведнику Тому: много бо пострадах днесь во сне Его ради. Архиерее же и старцы наустиша народы, да испросят Варавву, Иисуса же погубят. Отвещав же игемон рече им: кого хощете от обою отпущу вам? Они же реша: Варавву. Глагола им Пилат: что убо сотворю Иисусу, глаголемому Христу? Глаголаша ему вси: да распят будет. Игемон же рече: кое убо зло сотвори? они же излиха вопияху, глаголюще: да пропят будет. Видев же Пилат, яко ничтоже успевает, но паче молва бывает, прием воду, умы руце пред народом, глаголя: неповинен есмь от крове Праведнаго сего, вы узрите. И отвещавше вси людие реша: кровь Его на нас и на чадех наших. Тогда отпусти им Варавву: Иисуса же бив, предаде им, да Его пропнут.

Тогда воини игемоновы приемше Иисуса на судище, собраша Нань все множество воин. И совлекше Его, одеяша Его хламидою червленою. И сплетше венец от терния, возложиша на главу Его, и трость в десницу Его: и поклоньшеся на колену пред Ним, ругахуся Ему, глаголюще: радуйся, Царю Иудейский. И плюнувше Нань, прияша трость, и бияху по главе Его. И егда поругашася Ему, совлекоша с Него багряницу, и облекоша Его в ризы Его: и ведоша Его на пропятие. Исходяще же обретоша человека киринейска, именем Симона: и сему задеша понести Крест Его.

 

Антифон 13-й, гл. 6

 


Собрание иудейское у Пилата испросиша распяти Тя, Господи; вины бо в Тебе не обретше, повиннаго Варавву свободиша, и Тебе, Праведнаго, осудиша, сквернаго убийства грех наследовавше. Но даждь им, Господи, воздаяние их, яко тщетным на Тя поучишася.


Егоже вся ужасаются и трепещут, и всяк язык поет, Христа, Божию Силу и Божию Премудрость, священницы за ланиту удариша и даша Ему желчь; и вся пострадати изволи, спасти ны хотя от беззаконий наших Своею Кровию, яко Человеколюбец.



Слава…


Богородичен: 

Богородице, рождшая словом паче слова, Создателя Своего; Того моли спасти души наша.

 

Антифон 14-й, гл. 8

 


Господи, Иже разбойника спутника приемый, в крови руце осквернившаго, и нас с ним причти, яко Благ и Человеколюбец.


Мал глас испусти разбойник на кресте, велию веру обрете, во едином мгновении спасеся и первый, райская врата отверз, вниде; Иже того покаяние восприемый, Господи, слава Тебе.

 


Слава…


Богородичен: 

Радуйся, Ангелом радость мира приемшая. Радуйся, рождшая Творца Твоего и Господа. Радуйся, сподобльшаяся быти Мати Божия.

 

Антифон 15-й, гл. 6

 


Днесь висит на древе, Иже на водах землю повесивый; венцем от терния облагается, Иже Ангелов Царь; в ложную багряницу облачается, одеваяй небо облаки; заушение прият, Иже во Иордане свободивый Адама; гвоздьми пригвоздися Жених Церковный; копием прободеся Сын Девы. Покланяемся Страстем Твоим, Христе. Покланяемся Страстем Твоим, Христе. Покланяемся Страстем Твоим, Христе. Покажи нам и славное Твое Воскресение.


Не яко иудее празднуем, ибо Пасха наша за ны пожреся Христос: но очистим сами себе от всякия скверны и чисто помолимся Ему: воскресни, Господи, спаси нас, яко Человеколюбец.


Крест Твой, Господи, жизнь и заступление людем Твоим есть, и нань надеющеся, Тебе распятаго Бога нашего поем: помилуй нас.



Слава…


Богородичен: 

Видящи Тя висима, Христе, Тебе Рождшая вопияше: что странное еже вижду таинство, Сыне Мой? Како на древе умираеши плотию водружен, Жизни Подателю?

 

   После ектеньи и возгласа поется седален 4 гл., который обычно звучит иначе, не «на глас», и только эта, присущая знакомым словам мелодия, возносится в притихшем храме:


Искупил ны еси от клятвы законныя честною Твоею Кровию, на Кресте пригвоздився и копием прободся, безсмертие источил еси человеком, Спасе наш, слава Тебе.

 

 

Шестое Евангелие от Марка (XV, 16–31). В нем – о воинах, изощряющихся в издевательствах над Господом, о шествии на Голгофу и распятии.

 

ЕВАНГЕЛИЕ 6

От Марка, зачало 67—68

Во время оно, воини ведоша Иисуса внутрь двора, еже есть претор, и созваша всю спиру. И облекоша Его в препряду, и возложиша на Него сплетше тернов венец. И начата целовати Его (и глаголати): радуйся, Царю Иудейский. И бияху Его по главе тростию, и плюваху на Него: и прегибающе колена покланяхуся Ему. И егда поругашася Ему, совлекоша с Него препряду, и облекоша Его в ризы Своя: и изведоша Его, да пропнут Его. И задеша мимоходящу некоему Симону Киринею, грядущу с села, отцу Александрову и Руфову, да возмет Крест Его.

И приведоша Его на Голгофу место, еже есть сказаемо, Лобное место. И даяху Ему пити есмирнисмено вино, Он же не прият. И распеншии Его, разделиша ризы Его, метающе жребий о них, кто что возмет. Бе же час третий, и распяша Его. И бе написание вины Его написано: Царь Иудейск. И с Ним распяша два разбойника: единаго одесную, и единаго ошуюю Его. И сбыстся Писание, еже глаголет: и со беззаконными вменися. И мимоходящии хуляху Его, покивающе главами своими, и глаголюще: уа, разоряяй церковь, и треми деньми созидаяй: спасися Сам, и сниди с Креста. Такоже и архиерее ругающеся, друг ко другу с книжники, глаголаху: ины спасе, Себе ли не может спасти? Христос Царь Израилев да снидет ныне с Креста, да видим, и веру имем Ему.

 

Пение антифонов закончилось. Поются заповеди блаженства со стихирами:

Во Царствии Твоем помяни нас, Господи, егда приидеши во Царствии Твоем.


Блажени нищии духом, яко тех есть Царство Небесное.


Блажени плачущии, яко тии утешатся.


Блажени кротции, яко тии наследят землю.


Блажени алчущии и жаждущии правды, яко тии насытятся.

Древом Адам рая бысть изселен, древом же крестным разбойник в рай вселися. Ов убо вкушь, заповедь отверже Сотворшаго, ов же сраспинаемь, Бога Тя исповеда таящагося. Помяни и нас, Спасе, во Царствии Твоем.



Блажени милостивии, яко тии помиловани будут.

Закону Творца от ученика купиша беззаконнии и, яко законопреступника, Того Пилатову судищу представиша, зовуще: распни, в пустыни сим Маннодавшаго. Мы же, праведнаго разбойника подражавше, верою зовем: помяни и нас, Спасе, во Царствии Твоем.



Блажени чистии сердцем, яко тии Бога узрят.

Богоубийц собор, иудейский язык беззаконный, к Пилату неистовне зовый, глаголаше: распни Христа неповиннаго, Варавву же паче нам отпусти. Мы же вещаим к Нему разбойника благоразумнаго глас: помяни и нас, Спасе, во Царствии Твоем.


Блажени миротворцы, яко тии сынове Божии нарекутся.

Живоносная Твоя ребра, яко из Едема источник источающая, Церковь Твою, Христе, яко словесный напаяет рай, отсюду разделяяся яко в начала, в четыри Евангелия, мир напаяя, тварь веселя и языки верно научая покланятися Царствию Твоему.


Блажени изгнани правды ради, яко тех есть Царство Небесное.

Распялся еси мене ради, да мне источиши оставление; прободен был еси в ребра, да капли жизни источиши ми; гвоздьми пригвоздился еси, да аз глубиною Страстей Твоих к высоте державы Твоея уверяемь, зову Ти: Живодавче Христе, слава Кресту, Спасе, и Страсти Твоей.

Блажени есте, егда поносят вам, и изженут, и рекут всяк зол глагол на вы лжуще Мене ради.

Распинаему Тебе, Христе, вся тварь, видящи, трепеташе, основания земли колебахуся страхом державы Твоея, светила скрывахуся, и церковная раздрася завеса, горы вострепеташа, и камение разседеся, и разбойник верный зовет с нами, Спасе, еже помяни во Царствии Твоем.


Радуйтеся и веселитеся, яко мзда ваша многа на небесех.

Рукописание наше на Кресте растерзал еси, Господи, и, вменився в мертвых, тамошняго мучителя связал еси, избавль всех от уз смертных Воскресением Твоим, имже просветихомся, Человеколюбче Господи, и вопием Тебе: помяни и нас, Спасе, во Царствии Твоем.


Слава: Отца, и Сына, и Духа Святаго вси единомудренно, вернии, славословити достойно помолимся, Единицу Божества, в Триех сущую Ипостасех, неслиянну пребывающу, просту, нераздельну и неприступну, Еюже избавляемся огненнаго мучения.

И ныне.

 

 Богородичен: 

Матерь Твою, Христе, плотию безсеменно рождшую Тя, и Деву воистинну, и по рождестве пребывшую нетленну, Сию Тебе приводим в молитву, Владыко Многомилостиве, прегрешений прощению дароватися всегда зовущим: помяни нас, Спасе, во Царствии Твоем.


После малой ектении поется прокимен:

Разделиша ризы Моя себе и о одежди Моей меташа жребий.

Стих:Боже, Боже Мой, вонми Ми, вскую оставил Мя еси?

 

 

Седьмое Евангелие от Матфея (XXVII, 33–54) – о последних минутах на кресте и смерти Господа.

 

 

ЕВАНГЕЛИЕ 7

От Матфея, зачало 113

Во время оно, пришедше воини на место нарицаемое Голгофа, еже есть Краниево место, даша Иисусу пити оцет с желчию смешен: и вкушь, не хотяше пити. Распеншии же Его разделиша ризы Его, вергше жребия: и седяще стрежаху Его ту. И возложиша верху главы Его вину Его написану: Сей есть Иисус Царь Иудейский. Тогда распята с Ним два разбойника, единаго одесную и единаго ошуюю. Мимоходящии же хуляху Его, покивающе главами своими. И глаголюще: разоряяй церковь, и треми деньми созидаяй, спасися Сам: аще Сын еси Божий, сниди со Креста. Такожде же и архиерее, ругающеся с книжники и старцы и фарисеи, глаголаху: иныя спасе, Себе ли не может спасти? Аще Царь Израилев есть, да снидет ныне со Креста, и веруем в Него. Упова на Бога: да избавит ныне Его, аще хощет Ему: рече бо, яко Божий есмь Сын. Тожде же и разбойника распятая с Ним поношаста Ему. От шестаго же часа тьма бысть по всей земли до часа девятаго. О девятом же часе возопи Иисус гласом велиим, глаголя: Или, Или, лима савахфани? Еже есть Боже Мой, Боже Мой, вскую Мя еси оставил? Неции же от ту стоящих слышавше, глаголаху: яко Илию глашает Сей. И абие тек един от них, и прием губу, исполнив же оцта, и вонзе на трость, напаяше Его. Прочии же глаголаху: остави, да видим, аще приидет Илиа спасти Его. Иисус же паки возопив гласом велиим, испусти дух. И се завеса церковная раздрася на двое, с вышняго края до нижняго: и земля потрясеся, и камение распадеся. И гроби отверзошася, и многа телеса усопших святых восташа. И изшедше из гроб по воскресении Его, внидоша во святый град, и явишася мнозем. Сотник же и иже с ним стрегущии Иисуса, видевше трус и бывшая, убояшася зело, глаголюще: воистинну Божий Сын бе Сей.

 

Читается 50-й псалом.




Восьмое Евангелие от Луки (XXIII, 32–49) тоже о распятии. Евангелисты, повторяясь в основном, дополняют отдельными подробностями общую картину происходившего.

 

ЕВАНГЕЛИЕ 8

От Луки, зачало 111

Во время оно, ведяху со Иисусом и ина два злодея, с Ним убити. И егда приидоша на место нарицаемое Лобное, ту распяша Его, и злодея, оваго убо одесную, а другаго ошуюю. Иисус же глаголаше: Отче, отпусти им, не ведят бо, что творят. Разделяюще же ризы Его, метаху жребия. И стояху людие зряще. Ругахуся же, и князи с ними, глаголюще: иныя спасе, да спасет и Себе, аще Той есть Христос Божий избранный. Ругахуся же Ему и воини, приступающе, и оцет придеюще Ему. И глаголаху: аще Ты еси Царь Иудейск, спасися Сам. Бе же и написание написано над Ним писмены еллинскими, и римскими, и еврейскими: Сей есть Царь Иудейск. Един же от обешеною злодею хуляше Его, глаголя: аще Ты еси Христос, спаси Себе и наю. Отвещав же другий, прещаше ему, глаголя: ни ли ты боишися Бога, яко в томже осужден еси? И мы убо в правду, достойная бо по делом наю восприемлева: Сей же ни единаго зла сотвори. И глаголаше Иисусови: помяни мя, Господи, егда приидеши во Царствии Си. И рече ему Иисус: аминь глаголю тебе, днесь со Мною будеши в раи. Бе же час яко шестый, и тьма бысть по всей земли до часа девятаго. И померче солнце, и завеса церковная раздрася посреде. И возглашь гласом велиим Иисус, рече: Отче, в руце Твои предаю дух Мой: и сия рек, издше. Видев же сотник бывшее, прослави Бога, глаголя: воистинну Человек Сей праведен бе. И вси пришедшии народи на позор сей, видяще бывающая, биюще перси своя, возвращахуся. Стояху же вси знаемии Его издалеча, и жены споследствовавшия Ему от Галилеи, зряще сих.

 



   После восьмого Евангелия поется трипеснец – канон из трех песней, составленный преподобным Космой Маиумским, передающий в сжатой форме последние часы пребывания Спасителя с апостолами, отречение Петра и муки Господа.

Трипеснец на великий Пяток

 

Песнь 5-я.

Ирмос. От утра вопию к тебе, Слово Божие, уничижившему себя по милосердию (своему) непреложно и до страданий безстрастно преклонившемуся: мир даруй мне падшему, Человеколюбче.

Омывши ноги и предочистившись причащением божественнаго таинства, служители твои, Христе, пришли ныне с тобою из Сиона на великую гору Елеонскую, воспевая тебя, Человеколюбче (Мф. 26, 30).

Смотрите, други, сказал ты, не ужасайтесь; ибо ныне приближился час быть мне взяту (и) убиену руками беззаконных; вы же все разсеетесь, оставив меня, (но) я соберу вас – проповедывать о мне Человеколюбце (Мф. 24:6, 26:45; Иоан. 17, 32).

 

Песнь 8-я.

Ирмос. Истукан богопротивнаго нечестия посрамили благочестивые отроки; а неистовствующее против Христа собрание беззаконных замышляет тщетное, намереваясь убить Держащаго жизнь в (своей) длани, коего вся тварь благословляет, прославляя во веки.

С веждей (ваших), сказал ты Христе ученикам, стряхните ныне сон, и бодрствуйте в молитве, дабы не впасть вам в искушение, особенно же ты, Симон; ибо сильнейшаго (постигает) и бoльшее искушение; познай меня, Петр, котораго вся тварь благословляет, прославляя во веки (Мф. 26, 40–41; Лк. 21, 31).

Постыдных слов из уст (моих) никогда не произнесу, Владыка; с тобою умру, как (ученик) признательный, хотя бы все отверглись (тебя), воскликнул Петр; не плоть и кровь, но Отец твой открыл мне тебя, коего вся тварь благословляет, прославляя во веки (Мф. 16:17, 26:33, 53).

Не всю глубину божественной премудрости и ведения изследовал, и бездны судеб моих не постиг ты, человек, сказал Господь; посему, будучи плотию, не превозносись; ибо трижды отречешься меня, коего вся тварь благословляет, прославляя во веки (Рим. 11, 33; Мф. 26, 34).

Отрицаешь сие, Симон Петр, но скоро убедишься в том, что сказано, и даже одна служанка приближившись устрашит тебя, сказал Господь: но горько восплачешь и буду милостив к тебе я, коего вся тварь благословляет, прославляя во веки (Мф. 26, 7–75).

 

Песнь 9-я.

Ирмос. Честнейшую Херувимов и славнейшую без сравнения Серафимов, без истления родившую Бога-Слова, истинную Богородицу, тебя мы величаем.

Губительное сонмище богоненавистников (и) сонм коварных богоубийц окружили тебя, Христе, и как неправедника влекли Создателя всего, котораго мы величаем (Иоан. 18, 3; Псал. 21, 17).

Нечестивые, неразумевшие закона и суетно изучавшие изречения пророков, влекли заклать тебя, как овча, Владыку всего, котораго мы величаем (2Кор. 3, 14; Ис. 53, 7).

Священники с книжниками, движимые злобною завистию, предали язычникам Жизнь (и) Жизнодавца по естеству, котораго мы величаем (Мф. 20:18, 27:1–2).

Они окружили тебя, Царь, как псы многие, били ударяя тебя по ланите, спрашивали тебя и ложно свидетельствовали против тебя; но претерпев все, ты спас всех (Псал. 21, 17; Мк. 14, 65; Мф. 26, 60).

 

После трипеснца трижды поется светилен:

Разбойника благоразумнаго во едином часе раеви сподобил еси, Господи, и мене древом крестным просвети и спаси мя.

 

 

Девятое Евангелие от Иоанна (XIX, 25–37). В нем мы слышим об усыновлении Господом любимого ученика Своей Матери и о заключительном слове Господа: «Совершилось».

ЕВАНГЕЛИЕ 9

От Иоанна, зачало 61

Во время оно, стояху при Кресте Иисусове Мати Его, и сестра Матере Его, Мария Клеопова, и Мария Магдалина. Иисус же видев Матерь, и ученика стояща, егоже любляше, глагола Матери Своей: Жено, се сын Твой. Потом же глагола ученику: Се Мати твоя. И от того часа поят Ю ученик во свояси. Посем ведый Иисус, яко вся уже совершишася, да сбудется Писание, глагола: жажду. Сосуд же стояше полн оцта: они же исполнивше губу оцта, и на трость вонзше, придеша ко устом Его. Егда же прият оцет Иисус, рече: совершишася. И преклонь главу, предаде дух. Иудее же, понеже пяток бе, да не останут на кресте телеса в субботу: бе бо велик день тоя субботы, молиша Пилата, да пребиют голени их, и возмут. Приидоша же воини, и первому убо пребиша голени, и другому распятому с Ним. На Иисуса же пришедше, яко видеша Его уже умерша, не пребиша Ему голений. Но един от воин копием ребра Ему прободе, и абие изыде кровь и вода. И видевый свидетельствова, и истинно есть свидетельство его: и той весть, яко истину глаголет, да вы веру имете. Быша бо сия, да сбудется Писание: кость не сокрушится от Него. И паки другое Писание глаголет: воззрят Нань, Егоже прободоша.

 

 

Хвалитные стихиры:


Два и лукавная сотвори перворожденный сын Мой Израиль: Мене остави Источника воды животныя, и ископа себе кладенец сокрушенный; Мене на древе распят, Варавву же испроси и отпусти. Ужасеся небо о сем, и солнце лучи скры; ты же, Израилю, не усрамился еси, но смерти Мя предал еси. Остави им, Отче Святый, не ведят бо, что сотвориша.


Кийждо уд святыя Твоея плоти безчестие нас ради претерпе: терние, глава; лице, оплевания; челюсти, заушения; уста, во оцте растворенную желчь вкусом; ушеса, хуления злочестивая; плещи, биения; и рука, трость; всего телесе протяжения на Кресте; членове, гвоздия; и ребра, копие. Пострадавый за ны и от страстей свободивый нас, снизшедый к нам человеколюбием и вознесый нас, Всесильне Спасе, помилуй нас.


Распеншуся Ти, Христе, вся тварь, видящи, трепеташе, основания земли позыбашася страхом державы Твоея; Тебе бо вознесшуся днесь, род еврейский погибе, церковная завеса раздрася на двое, и мертвии от гробов воскресоша; сотник, видев чудо, ужасеся. Предстоящи же Мати Твоя вопияше, рыдающи матерски: како не возрыдаю и утробы Моея не бию, зрящи Тя нага, яко осуждена, на древе висяща? Распныйся и погребыйся, и воскресый из мертвых, Господи, слава Тебе.


Слава:


Совлекоша с Мене ризы Моя и облекоша Мя в ризу червлену, возложиша на главу Мою венец от терний и в десную Мою руку вдаша трость, да сокрушу их, яко сосуды скудельничи.



И ныне:


Плещи Моя дах на раны, лица же Моего не отвратих от заплеваний, судищу Пилатову предстах и Крест претерпех за спасение мира.

 

 

Десятое Евангелие от Марка (XV, 43–47). Здесь о просьбе Иосифа Аримафейского, который у Пилата просил разрешение снять Господа с креста и похоронить, что надо было сделать очень быстро, так как наступала суббота, когда делать такое строго запрещалось.

 

 

ЕВАНГЕЛИЕ 10

От Марка, зачало 69

Во время оно, прииде Иосиф, иже от Аримафея благообразен советник, иже и той бе чая Царствия Божия, дерзнув вниде к Пилату, и проси тело Иисусово. Пилат же дивися, аще уже умре: и призвав сотника, вопроси его: аще уже умре? И уведев от сотника, даде тело Иосифови. И купив плащаницу, и снем Его, обвит плащаницею, и положи Его во гроб, иже бе изсечен от камене: и привали камень над двери гроба. Мария же Магдалина, и Мария Иосиева зрясте, где Его полагаху.



   Великое Славословие в этот день не поется - его читают. И после ектении начинают:

 

 

Одиннадцатое Евангелие от Иоанна (XIX, 38–42). Тот же момент апостол описывает, добавляя лишь некоторые подробности.

 

ЕВАНГЕЛИЕ 11

От Иоанна, зачало 62

Во время оно, моли Пилата Иосиф, иже от Аримафея, сый ученик Иисусов, потаен же страха ради иудейска, да возмет тело Иисусово: и повеле Пилат. Прииде же и взят тело Иисусово. Прииде же и Никодим, пришедый ко Иисусови нощию прежде, нося смешение смирнено и алойно, яко литр сто. Прияста же тело Иисусово, и обвиста е ризами со ароматы, якоже обычай есть иудеем погребати. Бе же на месте, идеже распятся, верт, и в верте гроб нов, в немже николиже никтоже положен бе. Ту убо пятка ради иудейска, яко близ бяше гроб, положиста Иисуса.

 

Поются стихиры на стиховне:

Вся тварь изменяшеся страхом, зрящи Тя на Кресте висима, Христе: солнце омрачашеся, и земли основания сотрясахуся, вся сострадаху Создавшему вся. Волею нас ради претерпевый, Господи, слава Тебе.



Стих: Разделиша ризы Моя себе и о одежди Моей меташа жребий.

Людие злочестивии и беззаконнии вскую поучаются тщетным? Вскую Живота всех на смерть осудиша? Велие чудо, яко Создатель мира в руки беззаконных предается, и на древо возвышается Человеколюбец, да яже во аде юзники свободит зовущия: Долготерпеливе Господи, слава Тебе.

 

Стих: Даша в снедь Мою желчь и в жажду Мою напоиша Мя оцта.

Днесь зрящи Тя Непорочная Дева на Кресте, Слове, возвышаема, рыдающи Матернею утробою, уязвляшеся сердцем горце, и стенящи болезненно из глубины души, лице со власы терзаше. Темже и перси биющи, взываше жалостно: увы Мне, Божественное Чадо, увы Мне, Свете мира, что зашел еси от очию Моею, Агнче Божий? Темже воинства безплотных, трепетом содержими бяху, глаголюще: Непостижиме Господи, слава Тебе.



Стих: Бог же, Царь наш прежде века, содела спасение посреде земли.

На древе видящи висима, Христе, Тебе, всех Зиждителя и Бога, безсеменно Рождшая Тя вопияше горько: Сыне Мой, где доброта зайде зрака Твоего? Не терплю зрети Тя неправедно распинаема; потщися убо, востани, яко да вижу и Аз Твое из мертвых тридневное Воскресение.



Слава:


Господи, восходящу Ти на Крест, страх и трепет нападе на тварь, и земли убо возбранял еси поглотити распинающих Тя, аду же повелевал еси испустити юзники; на обновление человеков, Судие живых и мертвых, жизнь пришел еси подати, а не смерть. Человеколюбче, слава Тебе.



И ныне:


Уже омакается трость изречения от судей неправедных, Иисус судимь бывает, и осуждается на крест, и страждет тварь, на Кресте видящи Господа. Но естеством телесе, мене ради страждай, Благий Господи, слава Тебе.

 

 

Двенадцатое Евангелие от Матфея (XXVII, 62–66) напоминает о решении поставить стражу и опечатать гроб.

ЕВАНГЕЛИЕ 12

От Матфея, зачало 114

Во утрий день, иже есть по пятце, собрашася архиерее и фарисее к Пилату, глаголюще: господи, помянухом, яко льстец Он рече еще сый жив: по триех днех востану. Повели убо утвердити гроб до третияго дне, да не како пришедше ученицы Его нощию украдут Его, и рекут людем: воста от мертвых. И будет последняя лесть горша первыя. Рече же им Пилат: имате кустодию, идите, утвердите якоже весте. Они же шедше утвердиша гроб, знаменавше камень с кустодиею.

 

Священник уносит Евангелие в алтарь. Царские врата затворяются.

Заканчивается служба тропарем:



Искупил ны еси от клятвы законныя честною Твоею Кровию, на Кресте пригвоздився и копием прободся, безсмертие источил еси человеком, Спасе наш, слава Тебе.

 

 

 

 

Вступите в группу, и вы сможете просматривать изображения в полном размере

Это интересно
0
 

12.04.2018 , обновлено  12.04.2018
Пожаловаться Просмотров: 639  
←  Предыдущая тема Все темы Следующая тема →


Комментарии 1

Для того чтобы писать комментарии, необходимо

комментарий удалён

Пояснение для всех:  

Богослужение мирянским (мирским) чином — богослужение, совершаемое в отсутствие священника или епископа. Мирянским чином могут совершаться все службы суточного богослужебного круга, содержащиеся в Часослове. Мирским чином не может совершаться всего одна служба — Литургия, она заменяется службой Изобразительных.

Наиболее важные уставные правила, совершения мирянами богослужений суточного, седмичного и годового круга, а также молебствий, крестных ходов, панихид, литий и отпевания усопших при отсутствии священника:

Все богослужения при отсутствии иерея совершаются вне алтаря (алтарь закрыт, завеса Царских врат задёрнута, стихарь не одевается).


Все иерейские возгласы во всех случаях заменяются одним: «Молитвами святых отец наших, Господи Иисусе Христе Боже наш, помилуй нас. Аминь».


За ектению во всех случаях произносится только «Господи, помилуй»:за великую и просительную ектении – 12 раз; за сугубую – 40 раз; за малую – по 3 раза. Вместо возгласа по окончании ектении произносится: «Молитвами святых отец наших,..» (см. выше).


Миряне могут возглашать прокимны, аллилуарии и «Бог Господь…» со стихами, как это и положено делать канонарху на богослужении.


Миряне могут читать Паримии, Апостольские и Евангельские зачала с аналоя на середине храма (не с амвона, и тем более не с алтаря). Все предваряющие и последующие иерейские возгласы («Вонмем», «Мир всем», «Премудрость, прости», «И о сподобитися нам…» и т.д.) – опускаются.   Произносится только название зачала, например: «К Солунянам послание святаго апостола Павла чтение», «От Луки святаго Евангелиа чтение», и далее сразу читается текст зачала. При отсутствии богослужебного Апостола и Евангелия, тексты зачал можно определить по номерам глав и стихов, и прочитать их по обычному тексту Нового Завета. При чтении недопустимо никакое подражание диаконской или иерейской голосовой интонации – читать нужно просто, чётко, достаточно громко, с соблюдением смысловых пауз и интервалов.


Каждение совершается только ручной (домашней) кадильницей. Кусочек ладана кладётся на горячий уголёк и осеняется крестным знамением с молитвой: «Во имя Отца, и Сына, и Святаго Духа. Аминь». Каждение совершается троекратным крестообразным движением руки с кадильницей: а) два раза вертикально – сверху вниз; б) один раз горизонтально – слева на право. Во время длительного каждения обычно про себя читается 50-й псалом. При небольшом каждении читается таже молитва что и на начало каждения: «Во имя Отца, и Сына, и Святаго Духа. Аминь». Вместо богослужебного отпуста произносится краткий малый отпуст: «Господи Иисусе Христе, Сыне Божий, молитв ради Пречистыя Твоея Матере,* преподобных и богоносных отец наших и всех святых, помилуй нас. Аминь». На кратком отпусте, после поминовения Божией Матери, можно также помянуть храмового святого (которому посвящён храм); дневного святого (которому посвящён день седмицы); святого, которому совершалась служба («его же и память ныне совершаем»); и всех святых, которые празднуются в этот день («их же и память днесь»). По окончании богослужения молящиеся сами прикладываются ко св. Кресту, который для этого предварительно полагается на аналое за амвоном, или на середине храма рядом с храмовой иконой.    

Следует помнить, что миряне не имеют права без священника: дерзать совершать Божественную Литургию; чинопоследования церковных Таинств (за исключением Таинства Крещения «страха ради смертнаго» – о чём будет сказано ниже); одевать священные облачения; совершать какие-либо священнодействия; преподавать мир и благословение; читать тайные, сугубо иерейские молитвы; произносить возгласы и ектении.